اسلام آباد۔23فروری (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ شہباز شریف ءُ زرداری پاکستان ءَ کرپشن ءِ اکس انت، لُٹ ءُ پُل ءِ دو ٹوھیں سوداگر شپ ءَ یکجا انت، شپ ءِ گند ءُ نند ءَ اے منوگر بوتگ کہ ہارس ٹریڈنگ ءِ واستہ آئی ءَ چینکاس زر دیگ، مئے سئے باسک اسمبلی ءَ را تحریک ءِ عدم اعتماد ءِ واستہ زر ءِ افر کنگ بوتگ ایش شرمناکیں گپ ات، دوئیں گل ملک ءَ ہارس ٹریڈنگ ءَ را دوارگ آرگ لوٹاں ایشی ءَ را ما بوھگ ءَ نئیلاں۔ اپوزیشن ءَ را چیلنج انت کہ آ آیوکیں 24 کلاک ءِ توکءَ “تحریک عدم اعتماد” بیار اَنت، آواں زان اَنت۔ مزن وزیر عمران خان ءِ روس ءِ تر ءُ تاب باز ارزشتی انت ۔ دگنیا ءِ نگاہ صدر پیوٹن ءُ مزن وزیر عمران خان ءِ گند ءُ نند ءِ سر ءَ انت۔ توامیں مشکل آں ابید مئے معیشت راستیں کشک ءَ جنزگ ءَ انت۔ آیوکیں ھپتگ ءَ الس ءَ را ریلیف پجاری ءِ واستہ گیش پیکیجز آرگ ءَ آں۔ اے ھیالانی درشانی آءی ءَ چار شمبے ءِ روچ ءَ ادا میڈیا ءَ گوں تران کنان ءَ کت۔ اے موہ ءِ سر ءَ وزیر ءِ مملکت برائے فرخ حبیب ھم ساڑی ات۔ بنجاھی وزیر اھوالکاری ءُ شنگ کاری ءَ گوشت کہ مزن وزیر عمران خان ءَ پی ٹی آئی ءِ سینٹرل ایگزیکٹو کمیٹی ءِ دیوان ھم روس ءِ تر ءُ تاب ءِ ھوالگ ءَ پارٹی ءِ سر ءَ دل یکیمی ءَ زرتگ۔
