اسلام آباد۔23فروری (اے پی پی): بنجاھی وزیر ھاٹیگ حماد اظہر ءَ گوشت کہ روس دگنیا ءَ ھاٹیگ پجاری کنوکیں درستاں چہ مستریں ملک انت، مزن وزیر ءَ تر ءُ تاب ءِ ساھت ءَ دوئیں ملک آنی نیام ءَ ھاٹیگ ءِ شوبگ ءَ کمک ءَ را دیمروئی دیگ ءِ سر ءَ گپ ءُ تران کنگ بیت۔ چار شمبے ءِ روچ ءَ مزن وزیر عمران خان ءِ روس ءِ تر ءُ تاب ءِ ھوالگ ءَ ھیال آنی درشانی ءَ کنان ءَ گوشت کہ آئی ءَ پاکستان ءُ روس ءِ نیام ءَ ھاٹیگ ءِ شوبگ ءَ کمک آںی تہءَ گیش گیشی ءِ گنجاشک ا ست انت۔ ایل این جی ءِ ھوالگ ءَ سئے چار منصوبگ انچیں است انت کہ ایشانی سر ءَ گوستگیں 6 ماہ ءِ ساھت ءَ پاسکتان ءِ تر ءُ تاب کنوکیں روسی ٹیمب آںی گوما پیسر ءَ چہ گپ ءُ تران کتگ۔ اے منصوبگ آنی ھوالگ ءَ جیڈھ آنی سر ءَ مزن وزیر عمران خان صدر پیوٹن ءِ گوما ھیال ریچی کنت وھدیکہ روس ءِ نائب مزن وزیر ءِ گوما یک شلیں رنگ ءَ گپءُ تران کنت۔ حماد اظہر ءَ گوشت کہ روس دگنیا ءَ ھاٹیگ ءِ پجاری کنوکیں درستاں چہ مستریں ملک انت، یورپ، شمالی امریکہ ءُ ایندگر ملک آنی روس ءِ گوما جھلانکیں رابطہ است انت بلے پاکستان ءِ اے رنگیں رابطہ روس ءِ گوما اولی نہ اَنت، ایشاناں گیش مھکم کنگ ءِ ضلورت انت۔
