اسلام آباد۔23فروری (اے پی پی):پاکستان ءَ پوسٹیں روسی سفیر ڈینیلا گانچ ءَ گوشت کہ روس پاکستان ءَ ٹیکنالوجی شوبگ ءَ سرمایہ کاری ءُ بازیں گروپس آنی گوما اقتصادی کمک آنی تہ ءَ واھشت دار ایت، روس ھاٹیگ ءِ شوبگ ءَ پاکستان ءِ گوما ھمک رنگیں کمک ءِ واستہ تیار اِنت، دوئیں ملک سیت آنی تہءَ کمکی آنی بنیات ءَ دو نیمگی یکوئی آناں دیمروئی دنت، وت مہ وتی یکوئی ءِ ھوالگ ءَ دوئیں ملک آنی آیوکیں باندات روشنا اِنت، چار شمبے ءَ پی ٹی وی ورلڈ نیوز ءَ را گلگدار دیان ءَ آءی ءَ گوشت کہ مزن وزیر عمران خان ءِ روس ءِ تر ءُ تاب دو نیمگی یکوئی آنی دیمروئی ءِ واستہ ارزشتی انت۔ اے تر ءُ تاب دوئیں ملک آنی نیام ءَ جتا جتائیں کار آنی سر ءَ تران ءِ واستہ جوانیں موہ ات، دوئیں ملک آنی مزن تکی سروک آنی سول ءُ تران وت مہ وتی یکوئی ءِ برجائی ءِ واستہ سیت مند بنت۔ روسی سفیر ءَ گوشت کہ پاکستان ءُ روس یک ءِ دومیگ ءِ گوما نزیک بوھگ ءَ انت ل ءُ دوئیں ملک آنی نیام ء۔ یکوئی آناں شاھیگانی پیداک اِنت، روس پاکستان ءَ ٹیکنالوجی شوبگ ءَ سرمایہ کاری ءُ بازیں گروپس آنی گوما اقتصادی کمک آناں واھشت دار ایت۔ آئی ءَ گوشت کہ نیک راھ یک شرپ مندیں چیز اِت۔ توامیں ستک ءُ باور ءُ نیک راھ آنی شرپ المی انت، اچ نیک راھ ءِ بے شرپ کنگ ءِ آزاتی نیست انت۔ اچ کس ءَ را اجازت نیست انت کہ وتی لیکہ ءَ را دومی ءِ سر ءَ بہ مُش ایت۔ روسی سفیر ءَ گوشت کہ روس ءُ پاکستانن دو نیمگی رنگ ءَ اوگانستان ءَ بنی آدمی ڈکال ءُ ناشرکاری ءِ ھلاسی ءِ واستہ باز کنگ ءَ انت۔ اوگانستگان ءَ را بنی آدمی بنیات ءَ کمک آناں زوت پجاری کنگ بہ بیت۔ آئی ءَ گوشت کہ روس ءُ پاکستان ءِ ارد آنی نیام ءَ ڈل آنی بر ءُ آر ءِ واستہ یک شل ءَ رابطہ جاڑی انت۔
