اسلام آباد۔23فروری (اے پی پی):وزیر مملکت برائے پارلیمانی امور علی محمد خان ءَ گوشت کہ مزن وزیر عمران خان ءِخان ءِ روس ءِ تر ءُ تاب اقتصادی یکوئی آناں گیش مھکم کنگ ءُ سرمایہ کاری ءِ واستہ نوکیں کشک پچ کنگ ءِ واستہ بار ارزشتی انت۔ چار شمبے ءِ روچ ءَ ریڈیو پاکستان کرنٹ افئیر پروگرام ءَ تران کنان ءَ آئی ءَ گوشت کہ پاکستان یک ارزشتی ایں دمگ ءُ میاں اوستمانی لیب ءُ گوازی ءِ رنگ ءَ سہرا بوتگ ءُ میاں اوستمانی ھاٹیگ آنی گوما برابری ءِ بنیات ءَ یکوئی دیم ءَ جنزگ ءَ انت۔ علی محمد خان ءَ گوشت کہ روس گوست ءَ ھم یک توھیں ھاٹیگ ءِ بوتگ ءُ انوں ھم ، میاں اوستمانی سیل ءُ سود ھم روس ءِ ارزشتی ایں لیبی اِت۔ آئی ءَ گوشت کہ چین ءُ روس وڑیں ملک پاکستان ءِ گوما اقتصادی کمک آناں دیمروئی دیگ ءَ انت ایشیءَ چہ ناں ایوک ءَ معاشی دیمروئی ءَ کمک رسیت بلکینگ ءَ میاں اوستمانی تک ءَ پاکستان ءِ ارزشت ءِ تہ ءَ گیشی بیت۔ وزیر ءِ مملکت ءَ گوشت کہ پاکستان مدام توامیں ملک آنی گوما جوانیں یکوئی ءِ واھشت ایگ بوتگ، پاکستان ءِ یک ملکے ءِ گوما یکوئی دومی ملک ءِ گوما یکوئی آنی سر ءَ اچ رنگیں اثر نہ کپ ایت، چیا کہ اسلام آباد اچ سفارتی گامگیج نہ چلائینگ ءَ انت۔
