مزن وزیر عمران خان روس ءِ 2 روچی سرکاری  تر ءُ تاب ءَ روادگ بوتگ، مزن وزیر عمران خان  بیست  سال ءَ چہ  پد روس ءِ تر ءُ تاب ءَ کنوکیں  اولی پاکستانی  مزن وزیر اِنت

اسلام آباد۔23فروری  (اے پی پی): مزن وزیر عمران خان  روسی صدر  ولادی میر پیوٹن ءِ ھاسیں دعوت ءِ پد ءَ  روس ءِ  2 روچی  تاریخی سرکاری  تر ءُ تاب ءَ روادگ بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ بنجاھی وزیر   مخدوم شاہ محمود قریشی ،   چوہدری فواد حسین، اسد عمر، حماد اظہر، مشیر تجارت عبدالرزاق دائود، قومی سلامتی ءِ مشیر ڈاکٹر معید یوسف ءُ عامر محمود کیانی  ھم تر ءُ تاب ءَ مزن وزیر ءِ ھمبراہ ات۔ مزن وزیر  عمران  خان ءُ روس ءِ  صدر پیوتن ءِ نیام ءَ گند ءُ نند  اے تر ءُ تاب ءِ ارزشتی ایں   بھر  بنت۔ مزن  وزیر عمران خان  ماسکو  ءَ روس ءِ  درستاں  چہ مستریں  مسیت  ءُ اسلامک سنٹر ءِ تر ءُ تاب ءَ  کنت۔  مزن وزیر  عمران خان  ءَ گوں   ارزشتی ایں  روسی سروک  آں ھوار نائب مزن وزیر،  روسی سرمایہ کار ءُ تاجر  ھم گند ءُ نند کن اَنت۔ صدر پیوٹن ءَ گوں گند ءُ نند ءَ  مزن وزیر  میاں اوستمانی ءُ  پڑ ءَ  ءِ کار آنی سر ءَ  ھیال  ریچی کن اَنت۔ گند ءُ نند ءَ روس  پاکستان یکوئی ھاسیں رنگ ءَ  ھاٹیگ ءِ شوبگ ءِ سر ءَ  گپ ءُ تران  کنگ بیت۔  اسلامو فوبیا ءُ  ءُ اوگانستان  ءِ جاور ھال  آنی سر ءَ   باست ءُ واست کنگ بیت۔  مزن وزیر  ءِ  روس ءِ تر ءُ تاب ءُپاکستان ءِ دو نیمگی یکوئی  آناں  گیش برجم کنت۔ مزن ویزر عمران خان  بیست  سال ءَ چہ پد  روس ءِ تر ءُ تاب ءَ کنوکیں  اولی پاکستانی  مزن وزیر اِنت۔