اسلام آباد۔22فروری (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ حکومت ءُ آمید گس ءِ نیام ءَ جیڈھ ءِ گیواری ءُ شور ءُ مشور ءِ واستہ یک فورم ءِ بوھگ ءِ لوٹ ایت، اسلام آباد ہائی کورٹ ءَ 233 ارب کلدار ءِ کیس مھتل انت، اے کسے ءِ زاتی کیس نہ اَنت بلکینگ ءَ ملک ءِ پیسہ انت، اے کیس آنی ھوالگ ءَ چیف جسٹس اسلام آباد ہائی کورٹ ءُ رجسٹرار ءِ گوما جوانیں گند ءُ نند بوت، چیف جسٹس اطہر من اللہ ءَ جوانیں شور ءُ مشور دات۔ سئے شمبے ءَ ادا اسلام آباد ہائی کورٹ ءَ مزن تکی دیوانے تہءَ بھر زوری ءَ چہ پد میڈیا ءَ گوں تران ءَ بنجاھی وزیر اھوالکاری ءَ گوشت کہ مرچی چیئرمین ایف بی آر ءِ ھمبراہ مئے چیف جسٹس اسلام آباد ہائی کورٹ ءُ رجسٹرار ءَ گوں جوانیں موسم ءَ گند ءُ نند بوت۔ گند ءُ نند ءِ ساھت ء۔ چیئرمین ایف بی آر ءَ 13 کیس آناں گیش ارزشتی نامینت۔ بنجاھی وزیر اھوالکاری ءَ گوشت کہ جسٹس اطہر من اللہ پاکستان ءِ لستیں جسٹس آنی تہ ءَ ھوار اَنت۔ آئیءَ پاکستان ءَ را وشھال کنگ ءِ نیمگ ءَ یک ٹوھیں گامگیج ءِ چست کتگ۔ آئی ءَ گوشت کہ امیت انت ایندگر آمید گس ھم اسلام آباد ہائی کورٹ ءِ پد ءُ رندی ءَ کن اَنت۔
