اسلام آباد۔22فروری (اے پی پی): مزن وزیر عمران خان ءَ گوشت کہ پاکستان یک لائک ءِ دل یکیمی دوستیں ءُ شریکدار ءِ بستار ءَ سری لنکا ءِ گوما وتی یکوئی آناں ٹوھیں ارزشت ءِ دنت، اے گپ آئی ءَ سری لنکن بحریہ ءِ کمانڈر وائس ایڈمرل نشانتھا اولوگیٹن ءَ گوشت آئی ءَ سئے شمبے ءَ آئی ءَ گوں گند ءُ نند کت۔ مزن وزیر ءَ فروری 2021 ءَ وتی سری لنکا ءِ تر ءُ تاب ءَ را یات کنان ءَ دوئیں ملک آنی نیام ءَ مھکمیں براتی ءُ یکوئی ءُ توامیں شوبگ ءَ دو نیمگی یکوئی آناں پراھ ءُ شاھیگانیں رنگ ءَ اپ گریڈ کنگ ءِ پاکستان ءِ واھشت ءِ درشان کت۔ مزن وزیر ءَ گوشت کہ سیکورٹی ءُ دیمپانی کمک پاکستان سری لنکا یکوئی ءِ کلیتی بھر ءُ پڑ ءَ ایمنی ءُ برجائی ءِ چیدگ بوتگ۔ مزن وزیر ءَ گوشت کہ آ سری لنکن سروک آنی پاکستان ءِ تر ءُ تاب ءِ وداریگ اِنت۔ سری لنکا ءِ وائس ایڈمرل نشانتھا اولو گیٹن ءَ دوئیں ملک آنی نیام ءَ نزیکیں کمک ءُ یکوئی آنی سر ءَ زور پر دیان ءُ میاں اوستمانی ءُ دمگی فورمز آنی سر ءَ کمک ءِ سر ءَ پاکستان ءِ شگر ءُ منت واری گپت۔ آئیءَ یکجائی سیم سر آنی دیمروئی ءِ واستہ یکجائی ءَ کار کنگ ءِ جزم ءِ درشان کت۔
