آپریشن سرسہبی اٹ برجاءِ انتئے کہ ملک امن نا کنڈآ منتقل مننگ ءِ، میجر جنرل بابر افتخار
راولپنڈی۔ 22 فروری (اے پی پی) آپریشن ردالفساد نا 5 سال پورو مسنو، چیف آف آرمی اسٹاف جنرل قمر جاوید باجوہ دہشت گردی نا برخلاف شہید آتا عظیم قربانی و قوم انا جوزہ ءِ سلام پیش کرینے۔ پاک فوج انا شعبہ تعلقات عامہ (آئی ایس پی آر) نا ڈی جی میجر جنرل بابر افتخار سے شنبے نادے آ تینا ٹویٹ اٹی پارے کہ آپریشن ردالفساد نا 5 سال پورو مسنو، دانا مسخت دہشت گردی نا برخلاف اِرا دہائی نا مریس جنگ انا فائدہ غاتے سوگو کننگ و مچ آ ملک اٹی دہشت گردی آتا سلوک آتے چٹفنگ ءِ۔ ڈی جی آئی ایس پی آر نا رداٹ آپریشن ردالفساد اٹی پاکستان نا مخلوق نا رکھ ءِ بنداوی مسخت نا وڑاٹ تخنگانے، آپریشن سرسہبی اٹ برجاءِ انتئے کہ ملک غیر یقینی حالیت آتیان امن نا کنڈآ منتقل مننگ ءِ۔ آپریشن ردالفساد نا سرسہبی شہید آتا دتر و الس نا جوزہ غان ممکن مسنے۔ آئی ایس پی آر نا رداٹ آرمی چیف جنرل قمر جاوید باجوہ آپریشن ردالفساد نا پنچ سال پورو مننگ آ پارے کہ نن تینا شہید آتا عظیم قربانی و قوم انا جوزہ ءِ سلام پیش کینہ۔
