اسلام آباد۔ 22 فروری (اے پی پی) وزیر داخلہ شیخ رشید احمد کوہلو نا علاقہ ٹی دہشت گرد آتا برخلاف آپریشن اٹی کیپٹن حیدر عباس نا شہیدی آ است ہسونی نا درشانی ءِ کرینے۔ سے شنبے نادے آ وزارت داخلہ غان جاری بیان نا رداٹ وزیرداخلہ کیپٹن حیدر عباس شہید نا خاہوت و خاہوت نا ایلو بندغ آتون ہڑزخواہی کرسا پارے کہ اینو قوم انا اسہ گل زادہ اس وطن آ جان ءِ ندر کرے۔ اوپارے کہ مچ آ قوم انا کنڈآن شہید وطن ءِ سلام عقیدت پیش کیوہ، مچ آ پاکستانی قوم تینا شہید آتا قربانی تا وامدار ءِ۔ وزیرداخلہ شیخ رشید احمد پارے کہ وطن نا سلامتی و رکھ اکن ہروڑنا قربانی ایتنہ۔
