وزیرخارجہ مخدوم شاہ محمود قریشی نا ایتھوپیا نا وزیر مملکت خارجہ امور تون اوڑدہی

اسلام آباد۔ 21 فروری (اے پی پی) وزیرخارجہ مخدوم شاہ محمود قریشی پارینے کہ پاکستان ایتھوپیا تون اوار براعظم افریقہ نا غٹ ملک آتون سفارتی، سیاسی، پارلیمانی ، واپاری و دفاعی تعلقداری تے پین سوگو کننگ نا خواہندار ءِ۔ داہیت ءِ او ایتھوپیا نا وزیر مملکت خارجہ امور، ایمبیسیڈر ردوان حسین تون گپ وتران کرسا پارے ہرا دوشنبے نادے آ وزارت خارجہ ٹی اوڑتون اوڑدہی کرے۔ دفترخارجہ نا رداٹ اوڑدہی ٹی، ہڑتوم آ کنڈآتا تعلقداری، تین پہ تینی است خواہی نا بشخ آتیٹی ہڑتوم آ کنڈآتا کمکاری ءِ مون آ دننگ تون اوار اہم علاقائی و جہانی امور آ گپ وتران کننگا۔ وزیرخارجہ پارے کہ پاکستان و ایتھوپیا نا نیام اٹ، اسیجائی تاریخ، فائدہ و تزویراتی ہم آہنگی آن مزین برادرانہ تعلقداری ءِ۔ وزیرخارجہ شش میکو لس گچین کاری تا اڈتننگ آ ایتھوپیا نا حکومت و الس ءِ مبارکبادی تس وپارے کہ وزیراعظم عمران خان نا دہ بلین سونامی ٹری ڈٹ و ایتھوپیا نا سرکڑدہ غاتا ’’گرین ایتھوپیا وژن‘‘ ٹی بھلو مماثلت اسے۔ وزیرخارجہ ایتھوپیا نا علاقائی سالمیت و وتواجہی کن برجاکوشست آتا مخ تفی نا باور کرفے و پارے کہ وزارت خارجہ، وزیراعظم عمران خان نا وژن ءِ مون آ تخسا ’’انگیج افریقہ‘‘ پالیسی آ روان ءِ۔ وزیرخارجہ ایتھوپیا نا کنڈآن پاکستان اٹی سفارت خانہ ملنگ نا فیصلہ نا ستاءِ کرے۔ پاکستان اٹی ایتھوپین اوپارے کہ سفارت خانہ نا ملنگ، 2019 اٹی ہڑتوم آ ملک آتا وزیر اعظم آتا نیام اٹ بیجنگ اٹی مروک آ مثبت اوڑدہی نا بھرم ءِ۔ ہڑتوم آ راہشونک پاکستان اٹ ایتھوپین سفارت خانہ ملنگ نا فیصلہ ءِ ہڑتوم آ کنڈآتا تعلقداری نا سوگوی ٹی، اسہ اہم ءُ مزل اس گواندار۔ وزیرخارجہ نیویارک و جنیوا ٹی پاکستان و ایتھوپیا نا آخبتی مشن تا نیام اٹ خڑکی ہم آہنگی نا گرج آ زور شاغاو پارے کہ تدوک آ ہفت سال اٹی ایتھوپیا نا زرگزران ہرا شاندار رفتار اٹ شون ہلک و ستاکڑزک۔ عدیس ابابا ٹی کمرشل سیکشن تا جوڑ کننگ آن ہڑتوم آ کنڈآتا واپار و اقتصادی تعلقداری تے پین مون آ دننگک۔ یات سلے کہ ایتھوپیا نا وزیر مملکت خارجہ امور ، دورہ پاکستان ، بطور مہمان خاص کننگ ءِ و ایتھوپین سرکڑدہ غاتا کنڈآن وزیراعظم پاکستان کن اہم ءُ کلہو اس اتسا بسنے۔