اسلام آباد۔ 21 فروری (اے پی پی) وزیر مملکت حوالکاری و شینکاری فرخ حبیب پارینے کہ وزیراعظم عمران خان نا کماشی ٹی پی ٹی آئی حکومت ادارہ غاتا سوگوی آ یخین تخک۔ دوشنبے نادے آ مریم اورنگزیب نا بیان آ ردعمل اٹی وزیر مملکت فرخ حبیب پارے کہ او حکومت اٹی مریر تو کل جوان مریک، اپوزیشن اٹی مریر تو ہر باندا ت اٹی ادارہ غاتے سیاست اٹ گِرینگ اوفتا وطیرہ ءِ۔ نن ادارہ غاتے بایدے بدنام کپن ہراتم نن ہڑدے ئی بنداو آ دہشت گردی نا مقابلہ ءِ کین، ننا آفیسر و ورناک ہڑدے قربانی تننگ ءُ درو ہم پاک فوج انا اسہ کیپٹن و ورناس شہید مس۔ اوپارے کہ مسہ نیم سال آن نن بنسا بننگ اُن کہ تحریک بے پتی بننگ ءِ ، داسہ وخت اس کہ ن لیگ ءِ بے پتی بے سہب نظر بننگ ءِ تو اوفتا دماغی توازن ہنانے، اینو ن لیگ پدی’’کنے انت اکن کشار‘‘ نا پوزیشن آ بسنے سلیسنے۔ وزیر مملکت فرخ حبیب پارے کہ ن لیگءِ مدام داوخت آ ٹیل فون کال آتا یات بریک، ہراتم او سیاسی وڑاٹ بندگلی آ ہنانو سرمسنو، ن لیگ مدام قومی فائدہ غاتیا جند انا فائدہ غاتے اولیت تس، لندن اٹ تولسا حمداللہ کون آ ملک دشمن تتون اوڑدہی اوفتا وطیرہ مسنے، نروک آ لندن اٹ تولسا نواز شریف ادارہ غاتا برخلاف ہرزہ سرائی کرسا کرینے۔
