جھنگ ۔20فروری (اے پی پی):وزیر مملکت برائے اھوالکاری ءُ شنگ کاری فرخ حبیب ءَ گوشت کہ حکومت بے لوگیں مردم ءُ کمو آسراتی والا ایں مردم آناں نوکیں پاکستان ہاوسنگ پراجیکٹ ءِ چیر دستی ءَ 3 ءَ چہ 10 مرلہ ءَ تاں گس ءِ جوڑیشت ءِ واستہ آسانیں شرط آنی سر ءَ وام پجاری کنگ ءَ انت ءُ اے رد ءَ انوگ ءَ تاں 260 ارب کلدار ءِ وام ءِ در جنگ ءِ واستہ دزبندی رستگ انت ایشانی تہ ءَ 130 ارب کلدار ءِ وام ءِ منظوری ءُ 40 ارب کلدار ءِ زر جاڑی کنگ بوتگ۔ کامیات ورنا پروگرام ءَ را ھم اے ہاوسنگ پراجیکٹ ءَ گوں لنک کنگ بوتگ تانکہ ھما مردم کرایہ ءِ سر ءَ گس آنی تہ ءَ نشتگ انت آ 3 ءَ چہ 7 سال ءِ وھد ءُ پاس ءِ واستہ وام زورگ ءُ وتی گس ءِ جوڑیشت کت بکن آں تانکہ گس آنی چھت ھم ایشانی بہ بیت ءُ زمین ھم ءُ آ چینکاس ھمک ماہ کرایہ دینت ھمینکاس وتی وام آنی کست ءَ جما کنگ ءَ چہ زاتی گس ءِ مالگ جوڑ بنت۔ آ شمبے ءِ روچ ءَ پریس کلب جنگھ ءَ برجم بوھوکیں پریس کلب ءُ یونین آف جرنلسٹس جنگھ ءِ نوک گچین بوتگیں کارندہ آنی سوگندی مراگش ءَ گوں گشتانک دیان ءَ کت۔
