اسلام آباد۔20فروری (اے پی پی): مزن وزیر ءِ ھاسیں کمکار برائے موسمی مٹ ءُ بدلی ملک امین اسلم ءَ گوشت کہ بہارگاہ ءِ موسم 2022 ءِ واستہ سرجمیں ملک ءَ 54 کروڑ درچک کشگ ءِ سیم سر گیشینگ بوتگ۔ توامیں صوبائی محکمہ جنگل آنی شور ءُ مشور ءَ چہ سرجمیں ملک ءَ موسم ءِ بہارگاہ ءِ درچک کشگ ءِ گامگیج بندات کنگ ءِ واستہ یک ٹوھیں گامگیج ءِ رد ءُ بند کنگ بوتگ۔ یک شمبے ءِ روچ ءَ وزارت ءِ موسمی مٹ ءُ بدلی ءِ ترجمان ءِ رد ءَ ھاسیں کمکار ءَ وتی یک بیانے ءَ گوشت کہ ما مزن وزیر عمران خان ءِ دھ بلین ٹری سونامی پروگرام ءِ چیر دستی ءَ فروری ءَ چہ اپریل ءَ تاں بہارگاہ ءِ موسم ءِ ساھت ءَ سرجمیں ملک ءَ 54 کرور ءَ چہ گیش درچک کشتگ۔
