اسلام آباد۔19فروری (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ تحریک انصاف ءِ حکومت آزاتی ءَ گوں وتی لیکہ ءُ آزاتی ءَ گوں اھوالکاری ءِ سر ءَ دل یکیمی دار ایت، استیں حکومت ءَ اھوالکار آنی رکھینگ ءِ واستہ جرنلسٹ پروٹیکشن بل اسمبلی ءَ چہ پاس کنائینتگ، مزن وزیر عمران خان ءَ وتی گس سکیم ءِ چیر دستی ءَ اھوالکار آناں سبک ءُ آسانیں کستی گس ءِ واستہ وام ءِ پجاری کنگ بوھگ ءَ انت۔ شمبے ءِ روچ ءَ ملتان پریس کلب ءِ نوک گچین بوتگیں صدر شکیل انجم ءُ کارندہ آناں مبارک بات دیان ءَ بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ امیت انت کہ ملتان پریس کلب ءِ نوک گچین بوتگیں سروک اھوالکار آنی گہبود ءِ واستہ وتی کرد ءَ را پیلو کناں۔ آئی ءَ گوشت کہ ملتان پریس کلب ءِ اھوالکار وتی قلم ءُ مائیک ءِ سر ءَ زر باری پنجاپ ءِ ارزشتی ایں اھوال ھاسیں رنگ ءَ کشت ءُ کشار ءِ شوبگ ءِ ھوالگ ءَ سرجمیں پاکستان ءُ دگنیا ءَ را سرپد کن انت۔ آئی ءَ گوشت کہ لاہور پریس کلب ءَ اھوالکار آناں جان سلامتی کارڈ جاڑی کنگ بوتگ آیوکیں لستیں روچ ءَ ایندگر پریس کلب آنی ممبر آناں ھم جان سلامتی کارڈ پجاری کنگ بیت۔
