اسلام آباد۔ 18 فروری (اے پی پی) بنجائی وزیر حوالکاری چوہدری فواد حسین کراچی ٹی سینئر صحافی اطہر متین نا خون آ است ہسونی نا درشانی ءِ کرسا زہمی خاہوت تون ہڑزخواہی کرینے۔ جمعہ نادے آ وزیر حوالکاری تینا بیان اٹی پارے کہ پی پی پی نا حکومت کراچی ٹی لااینڈ آرڈر کنٹرول کننگ اٹ بھاز بے وڑ بے سہب مس۔ سندھ اٹی ہم صحافی تیا ہڑدے جلہو مننگ ءِ۔ اوپارے کہ تحریک انصاف نا حکومت قلم و مائیک ءِ رکھ تننگ کن گام گیج کننگءِ۔ کراچی ءِ سیف سٹی اس جوڑ کننگ کن ٹیکنالوجی نا کاریم اٹ اتنگ المی ءِ۔ اوپارے کہ زہمی خاہوت نا غم اٹی بریبر نا شریک اُن۔ اللہ تعالیٰ اطہر متین ءِ جنت الفردوس اٹی جاگہ ایتے۔
