اسلام آباد۔ 18 فروری (اے پی پی) وزیراعظم نا ترجمان و خصوصی کمکار سیاسی ابلاغ ڈاکٹر شہباز گل پارینے کہ دُزی نا سوج آ مظلومیت و سیاسی انتقام نا سکرپٹ متکن مسنے، شریف خاہوت مدام تینے کانود آن ایڑتر تیکا، ملکی ادارہ غاتا سروک آک مریر یا شرفمند آ جج، نم ذاتی ملازم آتیانبار برتاؤ تخارے۔ جمعہ نا دے آ مریم اورنگزیب نا بیان آتینا ردعمل اٹ ڈاکٹر شہباز گل پارے کہ دُزی نا سوج آ مظلومیت و سیاسی انتقام نا سکرپٹ متکن مسنے۔ شریف خاہوت مدام تینے کانود آن ایڑتر تکا۔ اوپارے کہ ملکی ادارہ غاتا سروک آک مریر و شرفمند آ جج، نم ذاتی ملازم آتیانبار برتاؤ تخارے۔ ضمانت آٹی اُٹ تو ملکی ادارہ غاتا برخلاف بیان و جعلی انقلابی مننگ متکن ءُ سٹنٹ اسے۔ آشیانہ ہاؤسنگ اسکیم اٹی قومی خزانہ ءِ 213 ملین روپئی نا نسخان تروک آ کرپٹ اعظم ءِ۔ ڈاکٹر شہباز گل پارے کہ نابود درباری بے شرمی، ڈھیٹی ، منافقت کون آ لوز آتا مفصل تشریح ءُ۔ جعلی ٹی ٹیز و جعلی بینک اکاؤنٹ آتیان جائیداد جوڑ کروک آک میڈیا غا وکالت کن غلام تخانو۔ پاکستان تحریک انصاف ملک ءِ پلوک آتا احتساب نا زمواری ءِ پورو کننگ ءِ۔ شریف برادران و درباری جوان چار، دُزی نا حساب ءِ تننگ آن بیدس پین ہچ ءُ آپشن اس اف۔ کرپشن اٹ اوار دُز لٹ وپل کروک آتا بےپرخ احتساب مریک ۔
