سمندر پار رہینگوک پاکستانیک ننا میرات ءُ، حکومت سمندر پار پاکستانی تا ملک اٹی زرکاری و اوفتا سرمایہ نا رکھ اکن گام گیج کننگ ءِ، وزیراعظم عمران خان نا ڈل اتون گپ وتران

اسلام آباد۔ 18 فروری (اے پی پی) وزیراعظم عمران خان پارینے کہ سمندر پار رہینگوک پاکستانیک ننا نہادی میرات ءُ، حکومت سمندر پار پاکستانی تا ملک اٹی زرکاری و اوفتا سرمایہ نا رکھ اکن گام گیج کننگ ءِ۔ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ وزیراعظم پاکستان ایسوسی ایشن دبئی نا ڈل اتون گپ وتران کرسا کرے ہرا فک جمعہ نادے آ داڑے اوڑتون اوڑدہی کریر ۔ اوڑدہی ٹی چیئرمین پاکستان ایسوسی ایشن دبئی ڈاکٹر ضیاء الحسن، صدر پاکستان ایسوسی ایشن دبئی ڈاکٹر فیصل اکرام وممتاز مسلم ساڑی ئسر۔ اوڑدہی ٹی وزیراعظم ءِ دبئی ٹی رہینگوک آ پاکستانی تا حکومت نا کاروبار دوست پالیسی تا سوب آن زرکاری ٹی است خواہی آ گپ وتران کننگا۔ بشخ ہلوک آک نئے بیرہ پیشن نا ملک پاکستانی تے گچین کاری ٹی رائے دہی نا حق انا فراوانی بلکن زر انا گدریفنگ کن روشن ڈیجیٹل اکاؤنٹ و اوفتا حق انا رکھ اکن گام گیج آتیا حکومت ءِ خراج تحسین پیش کریر۔