اسلام آباد۔ 18 فروری (اے پی پی) وزیراعظم عمران خان خیبرپختونخوا حکومت ءِ انٹرنیشنل ٹیکنیکل سٹینڈرڈ کمیٹی نا کنڈآن پشاور بی آر ٹی ءِ گولڈ سٹینڈرڈ بی آر ٹی سروس نا درجہ تننگ آ مبارکبادی تسنے۔ جمعہ نادے آ تینا ٹویٹ اٹی وزیراعظم پارے کہ بی آر ٹی نا انٹرنیشنل ٹیکنیکل سٹینڈرڈ کمیٹی نا کنڈآن پشاور بی آر ٹی ءِ گولڈ سٹینڈرڈ بی آر ٹی سروس نا درجہ ترسا 100 آن 97 نمبرز تننگانے ہرانا مطلب ءِ کہ دا سروس کم و ود ہرلحاظ اٹ جہانی آب آتون ہم گرنچ ءِ۔ اوپارے کہ پشاور بی آر ٹی شار اٹی السی ہن و برنا نظام اٹی انقلاب اس برپاکرینے، اگست 2020اٹی دانا بناآن داتم اسکان 71 ملین آن زیات مخلوق داڑآن فائدہ ہرفینو۔ ہڑدے ئی بنداو آ دونیم لکھ آن زیات شاری داڑآ سفر کیرہ ہرافتیان 20 درسد زالبول آتیان بیدس 60 درسد نا تعلق کم کٹیا والا تپہ غان ءِ۔
