اسلام آباد۔16فروری (اے پی پی):صدر مملکت ڈاکٹر عارف علوی ءَ بینظیر انکم سپورٹ پروگرام ءِ بورڈ ءِ نوک سر جوڑیشت ءِ منظوری داتگ۔ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ بورڈ ءِ 11 ممبر آں چہ دو باسک آنی مٹ ءُ بدلی، باقی 9 گیش سئے سال آں تاں ازمت آں پیلو کناں۔ ثانیہ رفعت ءُ عثمان حسن ءَ را پرائیویٹ ممبر ءِ رنگ ءَ بورڈ ءِ تہ ءَ ھوار کنگ بوتگ۔ خاور ممتاز ءِ مٹ ءَ ثانیہ رفعت ءُ قاضی عظمت عیسیٰ ءِ جاہ ءَ عثمان حسن بورڈ ممبر پوسٹ کنگ بوتگ۔ صدر مملکت ءَ بورڈ ءِ نوک سر جوڑیشت ءِ منظوری بینظیر انکم سپورٹ ایکٹ ءِ سیکشن 5 ءِ چیر دستی ءَ دات۔ بورڈ ءِ جوڑیشت ءِ منظوری گریبی ءِ ھلاسی ءُ چاگردی رکھینگ ءِ ڈویژن ءِ سپارش ءِ رد ءَ کتگ۔ صدر عارف علوی بینظیر انکم سپورٹ پروگرام ءِ چیف پیٹرن انت۔
