اسلام آباد۔16فروری (اے پی پی):صدر مملکت ڈاکٹر عارف علوی ءَ زالبول آنی ملکیتی کانود ءِ جوانیں ءُ ترندیں پد ءُ رندی ءِ ضلورت ءِ سر ءَ زور پردیان ءَ گوشت کہ ایشی ءَ چہ زالبول آناں وت مستر جوڑ کنگ ءُ معشی رنگ ءَ مھکم جوڑ کنگ ءِ کمک رسیت۔ اسلام ءُ پاکستان ءِ کانود ءَ زالبول آناں آوانی ھک ءِ رکھینگ ءِ زامنی داتگ، عالم ءُ ھال رسانکی پڑے زالبول آناں آوانی ھک ءِ پجاری ءِ رد ءَ معاشرتی شرپ ءُ بستار ءِ مٹ کنگ ءِ واستہ وتی کرد ءَ را پیلو بکن انت، سیالکوٹ ءُ خانیوال ءِ استیں واکیہ سک باز ھراب انت، عالم نیک راھی یکوئی ءَ را برجا دارگ ءِ واستہ وتی کرد ءَ پیلو بکن انت۔ اے ھیالانی درشانی آئی ءَ چار شمبے ادا ایوان ءِ صدر ءَ پاکستان ءَ زالبول آنی جائیداد ءِ ھک ءِ کانود ءِ جوڑیشت ءِ ھوالگ ءَ سرپدی گامگیج ءِ ھوالگ ءَ برجم داشتگیں مراگش ءَ گوں گشتانک دیان ءَ کت۔
