اسلام آباد۔ 16 فروری (اے پی پی) وزیراعظم عمران خان میئر پشاور نا گچین کاری تیٹی مسترد کروک آ 23113 وونٹ آتا بابت پارسا پارینے کہ دا گچین کاری تیان دا پیدوار مسنے کہ بدلی نا مخالف الیکٹرانک ووٹنگ مشین نا مخالفت ءِ انت اکن کیرہ۔ گچین کاری نتیجہ غاتا رداٹ جے یو آئی ف نا اومیتدار 12087 وونٹ آتا پرخ آن پی ٹی آئی نا اومیتدار آن کٹا ولے دا گچین کاری تیٹی مسترد مروک وونٹ آتا کچ 23113 ءِ۔ چارشنبے نادے آ تینا ٹویٹ اٹی وزیراعظم پارے کہ خیبرپختونخوا ٹی بلدیاتی گچین کاری تا نتیجہ غاک اسہ وار ولدا ڈبل اسٹیمپنگ و ایلو سوب آتا سوب آن مسترد وونٹ آتا ویل انا اہمیت ءِ تالان کرینو۔ اوپارے کہ 2013ء نا گچین کاری تیا جوڈیشل کمیشن نا رپورٹ اٹی ہم ہندا ہیت مون آ بسوسس۔ وزیراعظم پارے کہ بدلی نا مخالف ہنداخاطرآن الیکٹرانک ووٹنگ مشین نا مخالفت ءِ کیرہ انتئے کہ او مخالف وونٹ آتے مسترد کرفسا گچین کاری تیٹی ہیرا پھیری کننگ نا لائخی تخرہ۔ وزیراعظم ٹویٹ اٹی میئر پشاور نا الیکشن نا گچین کاری نتیجہ غاتے ہم شیئر کرینے ہرانا رداٹ جے یو آئی ف نا اومیتدار دا گچین کاری تیٹی 63610 وخت اس کہ پی ٹی آئی نا اومیتدار 51523 وونٹ ہلک، ہنداوڑ جے یو آئی ف نا اومیتدار 12087 وونٹ آتا پرخ آن کٹا ولے دا گچین کاری تیٹی مسترد مروک وونٹ آتا کچ 23113ءِ۔
