اسلام آباد۔ 16 فروری (اے پی پی) وزیراعظم عمران خان سینئر صحافی غلام اکبر نا کزیت آ است ہسونی نا درشانی ءِ کرینے۔ چارشنبے نادے آ تینا ہڑزخواہی کلہو اٹی وزیراعظم پارے کہ دہائی تیا تالان صحافت نا سفراٹی غلام اکبر بڑزکو صحافتی قدر ءِ ودفے۔ اوپارے کہ غلام اکبر نا سیاسی بصیرت و قلم نا کمک اٹ انصاف کن جہد اونا صحافت نا خاصہ ئس۔ وزیراعظم پارے کہ غلام اکبر نا صحافت کن خذمت آتے مدام یات تخنگک۔ وزیراعظم ایماندار نا خاہوت تون ہڑزخواہی کرسا پارے کہ او اوڑکن دعاگوءِ۔
