لاہور۔ 16 فروری (اے پی پی) وزیراعظم نا خصوصی کمکار ڈاکٹر شہبازگل پارینے کہ احتساب نا عمل نا بناکننگ آ غٹ وڈی خورآک یکجامریرہ، بروک آ دے تیٹی اپوزیشن کن پین فریشانی بننگ ءِ، چوہدری مونس الٰہی جوان ءُ سیاست اس کرے، پٹرولیم مصنوعات نا نہاد آتے ودفتونہ تو وام ہلوئی تماکہ۔ داخیال آتا درشانی ءِ او چارشنبے نادے آ داڑے میڈیا تون گپ وتران کرسا کرے۔ ڈاکٹر شہباز گل پارے کہ شہباز شریف و حمزہ شہباز آ فردجرم بیٹ مننگ والا ءِ، مریم نواز و شہباز شریف اٹی نوراکشتی ءِ، پیپلزپارٹی و (ن) لیگ داسہ ہم اسہ ایلو تون یکجاءُ، ہراتم اوفتا برخلاف کارروائی اس مریک تو دا غٹ دُزآک یکجامریرہ۔ اوفتے سماءِ کہ اتفاق اٹ برکت ءِ۔ جتا جتا مون ایترہ تو مافیا نا سسٹم نزور مریک۔ ڈاکٹر شہباز گل پارے کہ احتساب نا پھندا ہندن ہندن تنک مریک دا اسہ ایلو ءِ گرسا اِرغ کنفیرہ۔ شہباز شریف وخت اس اسلام آباد و وخت اس ننا سیوتی تا اُراتیا کاہک۔ مریم نواز مہالو دا چاگڑد ءِ خراب کریکہ ولے داسہ اودے سماءِ کہ اونا اِلہ و کزن آ فرد جرم بیٹ مننگ والا ءِ تو او مصلحتاچپ مسنے۔ اوپارے کہ شہباز شریف چوہدری برادران نا کوپہ غا تخسا توفک چلیفنگ نا کوشست کرے وخت اس کہ چوہدری برادران تینا خاہوتی وضو داری نا شاہدی تس۔
