اسلام آباد۔15فروری (اے پی پی):پاکستان دنیاءِ یکیں ملک اِت کہ تکامول سعودی عرب ءِ کمک ءَ چہ پاکستانی ہنر مند مردمانی اسکلز ویریفیکیشن ءَ کنت کہ ڈنی ملک حاس سعودی عرب ءَ پاکستانی ہنر مند مردمانی ھاترءَ روزگارءِ موہ دیئگ ءَ کمک دنت ، بلکیں پاکستانی معیشت ءَ را گیش محکم کنگءَ کمک دنت۔ اے ھیالانی بنجاہی وزیر شفقت محمودءَ تکامول سعودی عربء ُ نیوٹیک پاکستان ءِ نیمگ ءَ چہ سکلز ویریفیکیشن پروگرام ءِ بنگیجی مراگشءَ گوں تران کنان ءَ کتگ۔ سعودی عرب ءِ نائب وزیر برائے بین الاقوامی امور ڈاکٹر عدنان النعیم ءِ اے پروگرام ءِ سرءَ عملدرآمد ء ِ ہوالگءَ چہ سرجمیں کمک ءِ اوست داتگ۔ تکامول سعودی عرب ء ُ نیوٹیک پاکستان اے پروگرام ءِ ردءَ پائلٹ فیز فیز ءِ تہا یک ہزار پاکستانی ہنر مندانی ویریفیکیشن ءَ کنت کہ بے زر ءَ کنگ بنت۔ ویریفیکیشن ءِ عمل سرجم بوہگءَ اُمید واراناں میاں اوستمانی تک ءَ من اِتگیں یکجاہی سرٹیفیکیٹس دیئگ بنت۔ بنجاہی وزیر شفقت محمود ءَ چیئرمین نیوٹیک سید جاوید حسن، ایگزیکٹو ڈائریکٹر ساجد بلوچ ءَ را اے پروگرام ءِ سوبندیں بندات ءَ مراد بات داتگء ُ آئی ءِ کوشستاناں ساڑاتگ۔
