اسلام آباد۔15فروری (اے پی پی):آزاد جموں ء ُ کشمیر ءِ وانگءُ زانگءِ وزیر دیوان علی خان چغتائی ءَ بنجاہی وزیر شفقت محمود ءَ گوں سئے شمبے ءِ روچءَ آئی ء ِ کارگس ءَ گندء ُنند کتگ کہ آئی ء ِ تہا کسبی وانگءُ زانگءِ پڑءِ سرءَ ھیال ء ُ لیکہ ءِ درشانی کنگ بو تگ۔ آزاد جموں ء ُ کشمیر ءِ سوبمندیں ورناہ پروگرام ءِ کوٹہ گیش کنگ ءِ ھاترءَ آزاد جموں ءُ کشمیر ءِ وانگ ء ُ زانگ ءِ وزیر ءِ دزبندی ءِ سرءَ بنجاہی وزیر شفقت محمود ءَ چیئرمین نیوٹیک سید جاوید حسن ءَ را آئی ءِ کوٹہ ءَ را دوءَ چہ گیش کنگء ُ پنچ درسد کنگءِ پنتء ُشون کتگ۔ بنجاہی وزیر سفقت محمود ءَ چیئرمین نیوٹیک ءَ را آزاد جموءُ کشمیر ءُ گلگت بلتستان ءَ سمارٹ لیز جوڑ کنگءِ پنتء ُ شون کتگ۔ بنجاہی وزیر شفقت محمود ءَ ریمارکس داتگ کہ انوگیں حکومت سوبمندیں ورناہ پروگرام ءِ وسیلگءَ روزگارءِ موہ آنی تہا گیشی کنگ ءَ اِنت چیا کہ زانت کاریں گریجویٹس بے ہنرمندیں گریجویٹس ءِ مقابلہ ءَ ارزانی ءِ گوما ملازمت حاصل کنگءَ سوبمند بنت۔ بنجاہی وزیر شفقت محمود ءَ را سکلز فارآل پروگرام ءِ سرءَ شونست داتگء ُ چیئرمین نیوٹیک ءَ حال داتگ کہ سئمی بیچ ءِ 50 ہزار آسامی آنی ھاترءَ 4 لکھ اُمیت واراں دزبندی داتگ ء ُ ایشانی تہا یک لکھ 40 ہزار اُمیت دار گریجویٹ اَنت۔ نیوٹیک، آزاد جموں ء ُ کشمیر ءِ 45 ادارگانی تہا ہائی ٹیک ڈیجیٹل ٹریننگ ٹریننگ ءِ کلاس بندات کنگ بوتگ۔ ایشی ءَ ابید سئے ادارگانی تہا میٹرک ٹیک پروگرام ہم بندات کنگ بوتگ اَنت کہ آیانی تہا پانزدہ سد نودربراں داخلہ زُرتگ۔
