اسلام آباد۔15فروری (اے پی پی):توانائی ءِ بنجاہی وزیر حماد اظہر ءَ گشتگ کہ بنجاہی کابینہ ءَ چینی کمپنی ءِ ھاترءَ سینڈک مائن ءِ لیز ءِ تہا گیشی کنگءِ منظوری دیئگ بوتگ۔ سئے شمبے ءِ روچءَ وتی یک ٹویٹءِ تہا آئی ءَ گشتگ کہ اے کمپنی اولی ہی منصوبہ ءِ سرءَ کار کنگ ءَ اِنت، نوکیں من ء ُ گرءِ ردءَ حکومت پاکستان ءِ منافع 50.50 درسد ءَ چہ گیش بوتگ ء ُ 53.47 درسد بوتگ۔ آئی ءَ گشتگ کہ بلوچستان حکومت ءِ ھاترءَ رائلٹی ہم سیلزریونیو ءِ 5 درسد گیشی کنگ بوتگ۔ بنجاہی وزیر ءَ گشتگ کہ نوکیں منء ُ گرصوبائی حکومتءَ ہوار درائیں ہمگرنچیں مردمانی شورءُ صلہ ءَ چہ بوتگ۔ یک دگہ ٹویٹءِ تہا حماد اظہر ءَ گشتگ کہ پاکستان پٹرولیم لمیٹڈ (پی پی ایل) ڈیرہ اسماعیل خان، ڈیرہ غازی خان ء ُ موسیٰ خیل ءِ دمگءَ 2500 مربع کلومیٹر ءَ چہ گیش دمگ ءِ سرءَ استیں بلاک ءِ تہا چائنہ ژینہوا آئل کمپنی ءَ چہ آپریشن ء ُ ورکنگ شیئرحاصل کنت۔ چینی کمپنی 2007 ءَ چہ اے دمگ ءَ ٹھیل ء ُ گیس ءِ درگیجگ ءَ سوبمند نہ بوتگ، نو پی پی ایل ٹیل ءُ گیس ءِ درگیجگ ءَ کار کنت۔
