اسلام آباد۔ 15 فروری (اے پی پی) وزیراعظم عمران خان سے شنبے نادے آ ملک انا اولیکو ڈیجیٹل پے منٹ سسٹم’’راست ‘‘ انا بناءِ کرے۔ راست پروگرام اسٹیٹ بینک آف پاکستان نا کنڈآن شاری، کاروبارو حکومتی ادارہ غاتا نیام اٹ زر آتا ترسیل وادائیگی کن جوڑ کروک آ ڈیجیٹل پلیٹ فارم ءِ۔ راست انا رداٹ کم مالیت نا ریٹیل ادائیگی و زر انا گدریفنگ ڈیجیٹل وڑاٹ ترند و آسان مریک۔ داڑتون اوار اوار دا چندی مالیاتی ادارہ ہرافتے ٹی کمرشل بینک، مائیکرو فنانس ادارہ و بینک، حکومتی ادارہ و فنٹیکس اوار ءُ، ءِ وخت انا بچت تون کم خڑچ آن مرکزی سسٹم اسکان رسینگ و رابطہ جوڑ کننگ اٹ ہم کمکار ثابت مریک۔ تدوک آ سال راست انا کاروبار و زرکاری نا کہول آ بنا و سرسہبی آن پد اونا لس بندغ نا آسراتی کن شاری تا کہول آ بناکننگ انگ ءِ۔ راست انا بناآن لس بندغ نا بینکنگ چینل و الیکٹرانک ٹرانزیکشن اسکان رسینگ دمدستی و آسان مریک۔
