اسلام آباد۔ 15 فروری (اے پی پی) چین پاکستان اقتصادی راہداری (سی پیک) نا رداٹ بناکروک آ ڈٹ سکھی کناری ہائیڈرو پاور پروجیکٹ پوروی نا ایسریکو ریسہ غاتیٹی ءِ۔ سی پیک اتھارٹی نا کمامدارآتا رداٹ ڈٹ آن 884 میگاواٹ بجلی نا ہڑدے ئی پیدوار دوئی مریک۔ اسلام آباد آن 256 کلومیٹر مر وادی کاغان اٹی سکی کناری ہائیڈرو پاور پروجیکٹ نا بنادسمبر 2016ٹی مس، ڈٹ آ 85 درسد کاریم پورو مسنے۔ سکھی کناری ہائیڈرو پاور پروجیکٹ سی پیک نا رداٹ جوڑ مروک آ اہم ڈٹ ءِ ، داڑے سیکورٹی نا منظم و جامع نظام اسے۔ ڈٹ ءِ تفوک آ چینی کمپنی نا ڈائریکٹر ہوازیکنگ نا پاننگ ءِ کہ ڈٹ آن ہندی مخلوق ءِ روزگار ملانے۔ ڈٹ انا الیکٹریکل انجینئر عثمان رمضان نا پاننگ ءِ کہ دا اسہ چاگڑد دوست ءُ ڈٹ اسے، ہراڑآن جنگی حیات و نباتات ءِ مون آ دننگانے۔ دا ڈٹ ہراڑے اسہ کنڈملک اٹی بجلی نا تنکی نا مون ءِ توننگ اٹ کمک ایتک، ہموڑے زرگزران ءِ گچین کننگ اٹ اہم ءُ کڑد اس ادا کیک۔
