اسلام آباد۔ 15 فروری (اے پی پی) وزیراعظم نا سلاہکار واپار عبدالرزاق داؤد پارینے کہ واپار و زرکاری کن رابطہ غاتامون آ دننگ ننا واپاری پالیسی نا بنداو ءِ۔ سے شنبے نادے آ تینا بیان اٹی اوپارے کہ واپار و زرکاری کن رابطہ غاتا مون آ دننگ ننا واپاری پالیسی نا بنداو ءِ۔ ننے داپاننگ تون خوشی مننگ ءِ کہ دسمبر 2021اٹی اولیکو اسلام آباد۔تہران۔استنبول (ITI)ٹرین آن پد ، پاکستان آن مسٹ میکو ITIٹرین ترکی نا دنگ اٹ پترینگانےو کسر اٹ شدید موسم و برف اتون مون تننگ آن پد ہم تینا مزل اسکان سرمننگ والا ءِ۔ اوپارے کہ بروک آ دے تیٹی دا روٹ آ پین مال بردار ٹرین چلیفنگک۔ باقاعدہ آپریشن تیان مال برداری نا خڑچ اٹی نمان کمتی بریک و ننا برآمد کروک آتے دا آسراتی آن پورو فائدہ ہرفر۔
