پنڈ دادنخان۔14فروری (اے پی پی): حال ء ُ اھیوال کاریءُ شنگکاری ء ِ بنجاہی وزیر چوہدری فواد حسین ءَگشتگ کہ آیاں کہ پاکستان ءِ معیشت ءَ را تباہ کتگ، ملک ءَ را آیانی دست ءَ دیئگ نہ بیت، اُلس تاں ہما وہدءَ نواز شریف اینڈ کمپنی ءَ را پہیل نہ کنت، وہدے کہ آ راج ءِ لُٹ اِتگیں زراں واپس نہ کنت، اپوزیشن ءِ وتی ایچ بالاد نیست، بلاول سرپد اِنت کہ آ جہلم ء ُ پنڈی ءَ چہ لھتیں سد مردم ہم مُچ کُت نہ کنت، ہمے ھاترءَ آ فضل الرحمان ءِ کوپگ ءِ سرءَ سوار بوہگ ء ُ مدرسے ءِ زھگانی نام ءَ سیاست کنگ ءَ اِنت، بلاول ءَ را گشاں کہ آ زرداری ءِ سیاست ءَ مہ کنت، آ بے نظیر ء ُ وتی پیرک ءِ سیاست ءَ بہ کنت۔اے ھیالانی درشانی آئی ء َ یک مراگشے ءِ وہد ءَ شہباز شریف ء ُ مولانا فضل الرحمن ءِ گندء ُننداں ہوار حاسیں سیاسی کاراں ہوار گپ ءُ تران کنان ءَ کتگ۔ بنجاہی وزیر ءَگشتگ کہ مولانا فضل الرحمان ء ُ شہباز شریف جگہ جگہ ترّوکی ورگ ءَ اَنت، پنجاپی ءِ بتل اِت، (بلوچی رجانک) قربان باتوں ہما تھانیدار ءِ سرءَکہ آئی ءَ مات ءِ یات ءَ گیتک”قربان باتاں عمران خان ءِ کہ آئی ءِ مرچی درستیں دُز ء ُ ڈُنگ یکجاہ کتاں، ما اولی روچءَ چہ گشگ ءَ اَنت کہ اے درستیں دُزء ُ ڈُنگ یکجاہ اَنت ء ُ مرچی درستاں دیست اَنت۔ بنجاہی وزیر ءَ گشتگ کہ نواز شریف ء ُ آئیءِ بچ بازیں سالاں چہ لندن ءَ نشتگ اَنت، آیانی مال ء ُ مڈی ، بلڈنگ ءُ گاڑی درست مردمانی دیما اَنت، آیانی حرچہ ءَ کہ چست کنگ ءَ اِنت؟ آئی ءَگشتگ کہ گوں نواز شریف ءَ مارا ذاتی مِڈ ء ُجنگے نیست۔ آ راج ءِ پیسہ آں واپس بہ کنت۔ آئی ءَ گشتگ کہ نواز شریف ء ُ اسحاق ڈار ڈن ءَ نشتگ اَنت ، آیانی تہا ایچ جرات نیست کہ آ پاکستان ءَ بیاآں ء ُ وتی حلاپ مقدمہ آنی دیمپانی ءَ بہ کن اَنت، نواز شریف ءَ ہائیڈپارک، لندن ءِ دیما یک ارب ڈالرءِ پراپرٹی جوڑ کتگ، مقصود چپراسی ، مسرور احسن ء ُ منظور پاپڑ والا ءِ اکاؤنٹ ءَچہ ارباں کلدار شہباز شریف اینڈ فیملی ءَ را سر کنگ بوتگ اَنت۔ اے مردماں پاکستان اُلس، پوریاگر ءُبیپاراناں لُٹ اِتگ۔ آئی ءَگشتگ کہ ساڑھے سئے سال پیسر وہدے کہ ما حکومت ءَ اَتکگ اَنت ، ہمک کار ءَ را نوک بندات کتگ، اِدءَ دمک ء ُ دگ نابوتگ، دمگ ءِ تہا پہ ورگءَ آپ نہ بوتگ، ما وانگ جاہ آں راہ دربرانی کمی پیلو کتگ، پاسپورٹ کارگس جہلمءَ بوتگ، مرچی الحمداللہ جہلم ءَ 800 ڈاکٹر ءُ پیرا میڈیکل سٹاف ساڑی اَنت۔ ما پنڈداد نخان ءَ پاسپورٹ افس جوڑ کتگ، ای او بی آئی ءِ کارگس ہم اِدءَ جوڑ کتگ۔ آئی ءَ گشتگ کہ دارا پور ءِ سنگتاں وتی لوگ جہلم ءَ جوڑ کتگ، نہ آیاں پاسپورٹ آفس جوڑ کتگ، نہ پُل جوڑ کتگ ء ُ نہ دگ ء ُ وانگ جاہ۔ آئی ءَ گشتگ کہ شہباز شریف ءُ بلاول بھٹو ءِ ھیال اِنت کہ مولانا ءِ مدرسہ آں زھگ کایاں ءُ آیاں وتی کوپگاں چست کناں ء ُ مزن کناں۔ کدی اے وڑیں سیاست ہم بوتگ؟ چوہدری فواد حسین ءَ گشتگ کہ نہ گوں ایشاں تیر چلیت ء ُنہ تلوار۔ آئی ءَ گشتگ کہ ہفت رندءَ عمران خان ءَ را دور دیئگ ءِ کوشست کنگ بوتگ، عمران خان ءِ رکینوک اللہ تعالیٰ اِنت۔ اے عمران خان ءَ را ایچ کُت ناکناں۔ آئی ءَ گشتگ کہ مرچی الحمداللہ عمران خان وہدے کہ گپ کنت گڑا نواز شریف ءِ وڑءَ کاگد ءَ درنہ کنت ءُ گپ نہ کنت۔ عمران خان ءِ گپء َ سرجمیں دنیا گوشداریت، مرچی 23 سال ءَ پد پاکستان ءِ یک مزن وزیرے روسء َ رؤگءَ اِنت۔ آئی ءَ گشتگ کہ مرچی وہدے کہ مزن وزیر رسول اللہۖ ءِ شرپ ء ُ عزت ءِ ھاترءَ اقوام متحدہ ءِ جنرل اسمبلی ءَ گپ ءَ کنت گڑا سرجمیں مسلم دنیا نہ سرجمیں روبرکت ہم آئی ء ِ گپ ءَ گوشداریت۔ روسءِ صدر پیوٹن ہم گشیت کہ اسلامءَ را انچو پیش کنگ بیت کہ آ رد اِنت بلے وہدے کہ عمران خان ءِ گوشتانک دیما کیئت گڑا زانگ بیت کہ آ بیان رد ء ُ عمران خان ءِ بیان راست اِنت۔
