زالبولاناں  معاشی ردءَ وت واک کنگ ما درستانی زمہ واری اِنت، احساس پروگرام زالبولانی وانگء ُ زانگ ءِہوالگءَ باز اثر مندیں کرد پیلو کنگءَ اِنت، ملک مستر ڈاکٹر عارف علوی ءِ مراگش ءَ گوں ترا ن 

اسلام آباد۔14فروری  (اے پی پی): ملک مستر ڈاکٹر عارف علوی ءَگشتگ کہ زالبولاناں وت واک کنگ مئے درستانی زمہ واری اِنت، اسلام ءَ  میراث ءِ تہا زالبولاناں حق داتگ، زالبولانی وانگء  ُ زانگ ءِ ہوالگءَ احساس پروگرام باز اثر مند یں کرد پیلو کنگ ءَ اِنت، زالبول آئی ٹی ءِ وسیلگ ءَ لوگءَ نشتگء ُ روزگار کمائگءَ اَنت۔ ملک مستر ءَ اے ھیالانی درشانی دوشمبے ءِ روچءَ مردین آدم ء ُ جنین آد م ءِ برابری ءِ سرحال ءِ سرءَ بوتگیں  مراگشءَ گوں تران کنان ءَ کتگ۔ مراگش ءِ بندوبست آکسفیم پاکستان ءَ کتگ کہ آئی ءِ  تہا راجی ء ُ صوبائی اسمبلی ءِ باسک ، غیر سرکاری تنظیم آنی نمائندگ، سفارتخار، آکسفیمءِ عہدگ دار ءُ ایندگہ حاسیں مردم ہوار بوتگ اَنت۔ ڈاکٹر عارف علوی ءَ زالبولانی نمائندگی ءِ سرءَ زور پِر داتگ کہ آ زالبولاناں معاشی ردءَ مھکم کنگءِ ھاترءَ زالبولانی راہشونی ءَ بہ کنت۔ آئی ءَ گشتگ کہ انفارمیشن ٹیکنالوجی ءَ زالبولاں لوگ ءَنندگ ءَ وت واک کتگ ء ُ آ وتی وت روزگار کمایگ ءَ اَنت۔ ملک مسترءَ گشتگ کہ وانگء  ُ زانگءَ ابید زالبولانی دیمروئی بوت نہ کنت، بینک زالبولاناں پہ  بیپارءِ ھاترءَ تاں 10 لکھ کلدارءِ بے سوت وام دیئگ بوہگءَ اِنت۔ آئی ءَ گشتگ کہ بھارت ءَ اقلیت آناں مذہب ءِ نام  نشانگ جوڑ  کنگ بوہگءَ اِنت، اسلام برابریءِ درس ءَ دنت۔ آسٹریلیا ءِناظم الامور برائس ڈیوڈ ہیچیسن، سندھ اسمبلی ءِ باسک رعنا عنصرءُ ایندگہ مردماں مراگشءَ گوں تران کتگ۔ آسٹریلیا ءِ ناظم الامور ءَ گشتگ کہ ملک مستر ڈاکٹر عارف علوی ءُمزن وزیر عمران خان  پاکستان ءَ زالبولاناں وت واک کنگءِ  ھاترءَ سرجمیں کار کنگءَ اَنت، آسٹریلوی حکومت پاکستانءَ زالبولانی سماجی  دیمروئی ءِ ھاترءَ مردین آدم ء ُ جنین آدمی برابری ءَ را الم لیک اِتگء ُ گشتگ کہ معاشی دیمروئی ءِ وسیلگءَ چہ زالبول  وت واک کنگ  بنت۔  اے موہ ءَ زالبولانی ہوالگءَ دستاویزی تامور ہم پیش دارگ بوتگ۔ مراگش  ءَ آکسفیم انٹرنیشنلءِ ایگزیکٹو ڈائریکٹر گیبرائیلا بوچرءَ ہم وڈیو لنک ءَ چہ تران  کتگ ءُ باسکاناں پاکستان  ءَ آکسفیم ءِ سُر ءُ پُرآں چہ سرپد کتگ۔