صدر مملکت ڈاکٹر عارف علوی ءَ گوں آرمی چیف  جنرل قمر جاوید  باجوہ ءِ گند ءُ نند  

اسلام آباد۔14فروری  (اے پی پی): صدر ءِ مملکت   ڈاکٹر عارف علوی ءَ گوں آرمی چیف  جنرل قمر  جاوید باجوہ ءَ دو شمبے ءَ ادا   ایوان ءِ صدر ءَ  گند ءُ نند کت۔ گند ءُ نند ءَ راجی سلامتی  ءُ دمگی  جاور ھال آنی سر ءَ  ھیال ریچی  کت۔  آرمی چیف ءَ  صدر مملکت  ءَ را سیکورٹی  فورسز آنی   کزبی  تیاری ءُ ناشرکاری  ءِ ھالپ ءَ  گامگیج آنی بابت  ءَ  سرپد  کت۔ آئی ءَ گوشت کہ سلاھ بندی  ارد  ملک ءِ  ناشرکار ءُ    جنگول آنی ھلاسی ءِ واستہ  جزمیگ انت۔  اے موہ ءِ سر ءَ صدر   مملکت  ءَ سیکورٹی فورسز  آناں  توسیپ ءُ ستا  پیش کت  آئی ءَ  بلوچستان  ءُ خیبر  پختونخوا ءِ نوکیں  ھوار بوتگیں  ضلع آنی   تہ ءَ  ناشرکار آنی ھلاپ ءَ  استیں کاروائی آنی تہ ءَ وتی جان آنی  قربانی  دات انت۔  آئی ءَ گوشت کہ راج ءَ را وتی  سلا ھ بندی  ارد آنی  قربانی آنی سر ءَ  پھر انت   آواں  مدام ھمک رنگیں مشکل آنی ھلاپ ءَ   راجی  سیم آنی دیمپانی  کتگ۔