چوہدری برادران آ پورو پت ءِ، نن خلوک ءُ افن، خلوک ہموفک ءُ ہرافتے داسہ چوہدری شجاعت حسین نا طب انا خیال بسنے، وزیراعظم عمران خان

اسلام آباد۔ 14 فروری (اے پی پی) وزیراعظم عمران خان پارینے کہ چوہدری برادران آ پورو پت ءِ، نن خلوک ءُ افن، خلوک ہموفک ءُ ہرافتے داسہ چوہدری شجاعت حسین نا طب انا خیال بسنے، 10 سال اٹی پوسکن آ ڈیم تا تفنگ آن دیر کوڑی کننگ نا گنجائشت اِرا ہنداخہ مریک، کالاباغ ڈیم انا تفنگ آن مست سندھ انا الس ءِ است جم کروئی تمک، ودوک آ آبادی کن پین ڈغارتے دسنگ نا قابل کننگ المی ءِ، مریس مدتی ڈٹ بندی مفننگ نا سوب آن ویل ودی مسنے، درآمدی ایندھن آن بجلی نا پیدوار کبینی نا سوب ءِ، نن بروک آ گچین کاری تا جاگہ غا آخبت نا ڈٹ بندی ءِ کننگ اُن، ڈیم تا تفنگ تون اوار اوار سیل و سوات نا شونداری کن ٹنل ٹیکنالوجی ءِ ہم مون آ دروئی مریک۔ داخیال آتا درشانی ءِ او دوشنبے نادے آ پاکستان اٹی ہائیڈرو پاور ڈویلپمنٹ نا بابت اڈ ہلوک جہانی سمپوزیم آن تران کرسا کرے۔ وزیراعظم پارے کہ پاکستان اٹی 1960 نا دہائی ٹی 2 بھلا ڈیم تا تفنگ آن پد ملک اٹی ہچ ءُ ڈیم اس جوڑ کننگتو۔ چین 5 ہزار بھلو ڈیم جوڑ کرینے۔ ننا ملک ءِ دا ڈیوالئی نا سوب آن بھاز نسخان مسنے۔ اوپارے کہ ہراتم درآمدی ایندھن آن بجلی ودی کننگک تو اونا نہاد زیات مریک انتئے کہ دنیا ٹی نہاد ودنگ آن پاکستان اٹی ہم بجلی نا نہاد ودک و الس آ بھاریم ودک۔ پاکستان اٹی پن بجلی نا بھلو پیدواری لائخی اسے۔ ہراتم بجلی کبین مریک تو غٹ گڑاک کبین مریرہ۔ اگہ ڈیم جوڑ کریرہ تو بجلی کبین متوکہ۔ تیل کبین مننگ آن بجلی ہم کبین مریک انتئے کہ نیمہ بجلی تیل آن ودی کینہ۔ اوپارے کہ بدبختی اٹ مریس مدتی ڈٹ بندی مفننگ نا سوب آن ویل ودی مس۔ اوپارے کہ چین نا ترندی اٹ شونداری نا راز مریس مدتی ڈٹ بندی ٹی ءِ۔ او گچین کاری تا سجفپسہ، کنے گمر ءِ کہ ساڑی حکومت بروک آ گچین کاری تا سجفنگ نا جاگہ غا آخبت نا ڈٹ بندی کرینے۔ ہندا سوب آن اینو نن ڈیم تا عشرہ اس اڈتننگ اُن۔ ننے دیر کوڑی کننگ نا گرج ءِ۔ صوبہ غاتیٹی دیر انا بشخنگ نا بابت داسہ ہم ویل ارے۔ ہرا ترندی اٹ ننا آبادی ودنگ ءِ، ننے پین زیات ڈغار تے دسنگ کن اتوئی مریک۔ ہراتم دیر کوڑی مفک ڈغار امر کاشست مریک۔ ڈیرہ اسماعیل خان اٹی ذرخیز ڈغار ءِ ولے دیر انا گرج ءِ، اگہ اودے دیر رسینگے تو خیبرپختونخوا ءِ پین صوبہ سے آن خولم و غلہ خواہفوئی تمپ، ہنداوڑ بلوچستان و تھر اٹی ہم لکھ آ ایکڑ رقبہ پنجر تموک ءِ، ہرافتے آباد کرسا نن خولم و کرپاس برآمد ہم کننگ کینہ۔ وزیراعظم پارے کہ 10 سال اٹی پوسکن آ ڈیم تا تفنگ آن دیر کوڑی کننگ نا گنجائشت اِرا ہنداخہ مریک۔ دنیا ءِ موسمیاتی بدلی نا بھلا ویل مون تروک ءِ۔ ہراتم دیر آن چاگڑد دوست بجلی ودی مریک تو موسمیاتی بدلی نا منفی اثرہم کم مریک۔ اوپارے کہ ملک اٹی تینا ورناانجینئر آتے تربیت فراوان کننگ انگ ءِ ہرافتے ڈیم جوڑ کننگ اٹ مہارت دوئی مریک۔ اوپارے کہ پاکستان اٹی ٹنل ٹیکنالوجی ہم بھاز المی ءِ و سیل و سوات کن ہم دانا بھاز گرج ءِ۔ اللہ تعالیٰ پاکستان ءِ قدرتی ندارہ غاتیان شپ کرینے۔ مش تا ننا زیبائی نا دنیا ٹی کس اس مقابلہ ءِ کننگ کپک۔ داڑآن سیل و سوات نا کمک اٹ نن بھاز بھلو کٹیا اس دوئی کننگ کینہ۔ سوئٹزر لینڈ نا زیبائی ننا قطبی علاقہ غاتیان نیمہ ءِ ولے اونا سیل و سوات آن کٹیا 60 آن 70 ارب ڈالر ءِ۔ سویٹزر لینڈ ٹنل ٹیکنالوجی ءِ مون آ درینےو مش تیٹی اوفک ٹنل جوڑ کرسا ہموڑے رسینگ ءِ ودفینو۔ ٹنل ٹیکنالوجی آن ننے ہم بھاز فائدہ مریک۔ وزیراعظم پارے کہ بنجائی وزیر آبی وسیلہ مونس الٰہی کالاباغ ڈیم انا ہیت کرینے۔ داٹی ہچ ءُ شک اس اف کہ ننے دیر کوڑی کننگ نا گرج ءِ و کالاباغ ڈیم گچین ءُ ہند اسے آ ٹی ءِ و او کنا حلقہ ٹی ہم ارے ولے ننے بیرہ اسہ ویل اسے کہ ننے سندھ انا ایلم تے قائل کروئی تمک۔ اگہ نن اوفتے قائل کپنہ تو پاکستان مخالف واکدارآک اوفتے کاریم اٹ اتیرہ کہ اوفتا دیر دُزی مننگ ءِ۔ ننے اوفتے سائنسی بنداو آ پاروئی مریک کہ کالاباغ ڈیم جوڑ مننگ آن اوفتے نسخان آخا فائدہ مریک، ولے داکان مست اگہ نن ڈیم تا بناءِ کینہ تو بے چیٹی تالان کروک آ سندھ انا الس ءِ کاریم اٹ اتیرہ۔ نن اسہ بنجاسے اُن و ننا کوشست مرے کہ غٹ صوبہ و مچ آ قوم ءِ اوار ہلسا کان۔ وزیراعظم پارے کہ تحریک انصاف نا  کارندہ غاتا ای  ہندن ءُ تربیت اس کرفینٹ و تدوک آ 25 سال اٹی اوفک بھلو مشکل وخت اس ہم خنانو کہ اوداسہ اوفتا عادتی مسنو ولے ہرافک خلیسنو اوفتے داسہ چوہدری صاحب نا طب انا خیال بسنے۔ چوہدری شجاعت حسین پاکستان نا ہمو سیاستدان ءِ کہ اوڑآن بار سیاسی سوجھ بوجھ شاید پین سیاستدان اسے ٹی مرے، ولے یک دم اونا طب انا مخلوق ءِ یات بننگ دا ہیت انا شاہدی ءِ کہ او خلیسنو و دا خلوک آک 20،20 سال مست انا تیناکارندہ و ایم پی اے و ایم این اے تا ہڑزخواہی کن داسہ ہِننگ ءُ۔ ننا چوہدری برادران آ پت ءِ ۔ وزیراعظم ملک اٹی ڈیم تا تفنگ کن شاندار خذمت آتیا چیئرمین واپڈا لیفٹیننٹ جنرل (ر) مزمل حسین ءِ خراج تحسین ہم پیش کرے۔ دود آن تران کرسا چیئرمین واپڈا لیفٹیننٹ جنرل (ر) مزمل حسین پارے کہ واٹر سیکورٹی ، فوڈ