کالاباغ ڈیم ملک اکن المی ءِ، بنجائی کابینہ نا دیوان اٹی سلاہ پیش کینہ، بنجائی وزیر آبی وسیلہ مونس الٰہی نا جہانی سمپوزیم آن تران

اسلام آباد۔ 14 فروری (اے پی پی) بنجائی وزیر آبی وسیلہ مونس الٰہی پارینے کہ کالاباغ ڈیم ملک اکن المی ءِ، ڈیم انا تفنگ کن بنجائی کابینہ نا دیوان اٹی سلا ہ پیش کینہ، اینو پگہ ملک اٹی تماشہ لگوک ءِ،نن سیاسی ءُ بندغ اُن و ملنگ و ملفنگ ننا کاریم ءِ، تعلقداری جوڑ کننگ و پورو کننگ بریک۔ پی ٹی آئی والاک بایدے خلیپس۔ دوشنبے نادے آ ہائیڈرو ڈویلپمنٹ نا بابت جہانی سمپوزیم آن تران کرسا اوپارے کہ ملک اٹی دیر کوڑی کننگ نا گنجائشت ءِ ودفنگ نا گرج ءِ و داڑکن ڈیم تفنگ انگ ءِ، کالاباغ ہم ملک اکن المی ءِ و دا ڈیم انا تفنگ کن سلاہ بنجائی کابینہ نا دیوان اٹی پیش کننگک۔ اوپارے کہ ملک اٹی اینو پگہ تماشہ لگوک  ءِ، نن سیاسی ءُ بندغ اُن، و ملنگ و ملفنگ ننا کاریم  ءِ و اگہ کس اس اُراغا برے تو اودے بخیر کننگ، سیاسی مخلوق تعلقداری جوڑ ہم کیک و پورو ہم کیک ہراوڑ ننا وزیراعظم عمران خان تون اسہ تعلق اس جوڑ ءِ و او تعلق ءِ نن نبھائفنگ کن جوڑ کرینن، وزیراعظم پاکستان تحریک انصاف نا کارندہ غاتے جوان وڑاٹ پائے کہ اوفک خلیپس۔