این ایف سی نا رداٹ صوبہ غاتے فنڈآتا فراوانی ٹی شش تُو اٹی 32.36 درسد ودکی

اسلام آباد۔ 14 فروری (اے پی پی) نیشنل فنانس کمیشن (این ایف سی ) نا رداٹ بنجانا کنڈآن صوبہ غاتے فنڈ آتا فراوانی ٹی برجامالی سال انا اولیکو ششماہی ٹی تدوک آ مالی سال انا ہندا مد انا مقابلہ ٹی 32.36 درسد نا نمو ریکارڈ کننگانے۔ وزارت خزانہ نا کنڈآن دا بابت دوئی حساب وکتاب نا رداٹ برجامالی سال انا اولیکو ششماہی ٹی این ایف سی نا رداٹ بنجانا کنڈآن صوبہ غاتے 16 کھرب، 69 ارب، 42 کروڑ 92 لکھ روپئی نا فنڈ منتقل مس۔ تدوک آ مالی سال انا ہند امد اٹی این ایف سی نا رداٹ بنجانا کنڈآن صوبہ غاتے 12 کھرب، 80 ارب، 63 کروڑ روپئی نا فنڈ گدریفنگاسس۔ برجامالی سال انا اولیکو ششماہی ٹی پنجاب ءِ این ایف سی نا رداٹ 8 کھرب، 36 ارب، 52 کروڑ، 30 لکھ روپئی نا فنڈ منتقل مس۔ تدوک آ مالی سال انا اہند امد اٹی این ایف سی ایوارڈ نا رداٹ پنجاب ءِ 7 کھرب، 67 ارب، 54 کروڑ روپئی نا فنڈ گدریفنگاسس۔ وزارت خزانہ نا رداٹ مالی سال انا اولیکو ششماہی ٹی این ایف سی نا رداٹ سندھ ءِ 4 کھرب ، 25 ارب، 11 کروڑ، 20 لکھ روپئی نا فنڈ گدریفنگا۔ تدوک آ مالی سال انا ہندا مد اٹی بنجائی نا کنڈآن سندھ ءِ 3 کھرب، 19 ارب، 90 کروڑ، 90 لکھ روپئی نا فنڈ منتقل مسوسس۔ این ایف سی ایوارڈ نا رداٹ خیبرپختونخوا ءِ اِرا کھرب، 77 ارب، 20 کروڑ ، 70 لکھ روپئی نا فنڈ گدریفنگا۔ تدوک آ مالی سال انا ہندا مد اٹی این ایف سی نا رداٹ خیبرپختونخوا ءِ اِراکھرب، 5 ارب، 95 کروڑ روپئی نا فنڈ گدریفنگاسس۔ وزارت خزانہ نا رداٹ مالی سال انا اولیکو ششماہی ٹی این ایف سی ایوارڈ نا رداٹ بلوچستان ءِ اسہ کھرب، 55 ارب، 45 کروڑ روپئی نا فنڈ گدریفنگا۔ تدوک آ مالی سال انا ہندا مد اٹی این ایف سی نا رداٹ بلوچستان ءِ اسہ کھرب، 33 ارب، 34 کروڑ، 20 لکھ روپئی نا فنڈ گدریفنگاسس۔