اسلام آباد۔13فروری (اے پی پی):چیئرمین پاکستان علماء کونسل مزن وزیر عمران خان ءِ ھاسیں کمکار حافظ محمد طاہر اشرفی ءَ گوشت کہ سرجمیں ملک ءِ عالم ءُ توامیں نیک راھ آنی منوک تلمبہ واکیہ ءَ را گیشاں چہ گیش مذمت گر انت، تلمبہ واکیہ ءِ مجرم آناں دزگیر کنگ بوھگ ءَ انت ءُ آ کانود ءِ پنجگ آں زوت بنت۔ وت جج بوھگ ءُ وتی جزا دیگ ءِ نظام چل ائت نہ کنت۔ توہین مذہب ءِ کانود ءِ است ءُ ساڑی بوھگ ءَ ابید وت سر ءَ مردم آنا کشگ ءِ ھوپ ءَ را ھلاسی ء واستہ ھمک مردم ءَ را وتی کرد ءَ را پیلو کنگی انت۔ اے گپ آئی ءَ خانیوال ءَ پریس کانفرنس ءَ گوں گشتانک دیان ءَ کت۔ اے ساھت ءَ امن کمیٹی ءِ ممبر، علامہ قاری سیف اللہ عابد، مفتی عمر فاروق ، عبد الخالق مرالی ، مفتی رفیق احمد شاہ جمالی ، شیخ ذوالفقار رضوی ، سید سہیل عابدی ، قیصر عباس دادو آنہ ، مولانا محمد شفیع قاسمی ، قاری محمد اکرم ،ڈپٹی کمشنر سلمان خان ،ڈی پی او سید ندیم عباس ھم اے ساھت ءَ ساڑی ات۔
