اسلام آباد۔12فروری (اے پی پی): وزیر ءِ مملکت اھولکاری ءُ شنگ کاری فرخ حیبی ءَ گوشت کہ ھمروچگیں سامان آنی نیاد ءِ تہ ءَ کمی کنگ ءِ پنت ءُ شون ءِ پد ءُ رندی ءَ چہ ٹماٹر ءِ نیاد ءَ یک ھپتگے ءَ کساس 15 درسد کمی ریکاٹ کنگ بوتگ۔ فرخ حبیب ءَ وتی یک ٹویٹے ءَ گوشت کہ ھساب ءُ داد ءِ ڈویژن ءِ رد ءَ ٹماٹر، شکر ، ھیک، پیماز، دال مونگ ، ایل پی جی ءَ ھوار 14 ھمروچگیں وردنی سامان آنی تہءَ کمی بوتگ۔ وزیر مملکت اھوالکاری ءُ شنگ کاری ءَ گوشت کہ گوستگیں سال ءِ ھمے وھد ءُ پاس ءِ رد ءَ سہریں مرچ پوڈر ءِ نیاد 31.44 درسد ، دال مونگ 27.75 درسد ءُ شکر ءِ نیاد ءَ 4.78 درسد کمی بوتگ۔ آئی ءَ گوشت کہ ھمے رنگ ءَ مرگ ءِ گوشت 4.51 درسد ، پیماز4.16 درسد ءُ آلو ءِ نیاد ءَ کمی ریکاٹ کنگ بوتگ۔
