کوئٹہ۔12فروری (اے پی پی):گورنر بلوچستان سید ظہور احمد آغا ءَ گوشت کہ مئے صوبگ ایمنی ءِ بنجاہ انت ءُ ادا سدانی سال آں چہ آباتیں راج ایمن انت پمے ھاترا المی انت کہ ملک ءُ صوبگ ءِ دیمروئی ءُ وشھالی ءِ واستہ مارا درستاناں یکجاہ بوھگ ءُ دیم ءَ جنزگی انت، اے ھیالانی درشانی آئی ءَ صوبائی دارالحکومت کوئٹہ ءَ پیسریگیں سر وزیر ءُ چیف آف سراوان، صوبائی اسمبلی ءِ باسک محمد اسلم رئیسانی ءَ گوں آئی ءِ گس ءَ گند ءُ نند ءِ ساھت ءَ تران کنان ءَ کت۔ گند ءُ نند ءِ ساھت ءَ ملک ءُ صوبگ ءِ ھواریں جاور ھال آں ھوار وت مہ وتی واھگی کار آنی سر ءَ سرجمیں ھیال ریچی کنگ بوت۔
