اسلام آباد۔12فروری (اے پی پی): وزات ءِ ھزانگ ءَ وزیر ءِ ھزانگ ءُ چینی معاشیات ءِ بلدکاریں آنی درنیام ء تران آنی ھولاگ ءَ بے سر ءُ پادیں وائرل کلوہ ءِ پٹ ءُ پول ءُ زمہ وار آنی ھلاپ ءَ کاروائی ءِ واستہ ایف آئی اے سائبر کرائم برانچ ءَ گوں رابطہ کنگ بوتگ۔ وزارت ءِ ھزانگ ءِ ترجمان ءَ شمبےءِ روچ ءَ ادا جاڑی بوتگیں شمبے ءِ روچے بیان ءَ گوشتگ کہ سوشل میڈیا ءِ سر ءَ اردو زبان ءَ وزیر ءِ ھزانگ ءُ چینی معاشیات ءِ بلدکار ءِ نیام ءَ اسلام آبد ءَ تران ءِ ھوالگ ءَ یک کلوہ ءِ چکرگ ءَ بوتگ۔ ترجمان ءَ گوشت کہ اے کلوہ شوشل میڈیا ءِ سر ءَ کساس چار ماہ ءَ چہ پیسر وائرل کنگ بوتگ ایشی ءِ مول ءُ مراد وزیر ءِ ھزانگ ءِ شرپ ءُ ازت ءَ را تاوان رسینگ بوتگ۔ ترجمان ءَ گوشت کہ ویڈیو ءَ را وائرل کنوک آنی پٹ ءُ پول ءِ واستہ کاروائی ایف آئی اے سائبر کرائم کنگ ءَ انت۔
