راولپنڈی۔11فروری (اے پی پی): پاکستان ءَ استیں روس ءِ سفیر گنیچ ڈانیلا وکٹرووچ ءَ اینٹی نارکوٹکس فورس ہیڈکوارٹرز راولپنڈی ءِ ترءُ تاب کتگ۔ اے این ایف ترجمان ءِ جارچین ءِ گشگءِ ردءَ جمعہ ءِ روچ ءَ روسی سفیر ءَ وتی ترءُتاب ءِ وہدءَ ڈائریکٹر جنرل اے این ایف میجر جنرل غلام شبیر ناریجوءَ گوں گندء ُ نندکتگ۔ گندءُنندءَ منشیات شپوکی ءِ گرءُدار کنگ ءِ ھاترءَ دوئیں ملک آنی نیام ءَ دونیمگی کمک ءِ ضلورت ءِ سرءَ زورپر داتگ۔ منشیات ءِ شپوکی ءَ را دارگ ءِ ھاترءَ دوئیں ملک آنی نیام ءَ تربیتی ءُ تکنیکی کارانی سرءَ ھیال ءُلیکہ ءِ درشانی کنگ بوتگ۔ روسی سفیر ءَ دمگی ء ُ میاں اوستمانی تک ءَ منشیاتءِ گرء ُدار کنگ ءِ ھاترءَ پاکستان ء ُ اے این ایف ءِ کردءَ را ساڑاتگ۔
