اسلام آباد۔11فروری (اے پی پی): مزن وزیر عمران خان ءَ گشتگ کہ ڈنی ملک ءَ نندوکیں پاکستانی مئے میراث اَنت ، ڈنی ملک ءَ نندوکیں پاکستانی آں ووٹنگ ءِحق دیئگ ، پاور آف اٹارنی ء ُ جانشینی ءِ سرٹیفکیٹس ءِ آن لائن بندات کنگ وڑیں گامگیج ءُآیانی پلاح ء ُ گہبود ء ُ آسراتی ءِ ھاترءَ جوانیں نتیجگ دیما کایاں۔ آئی ءَ اے ھیالانی درشانی روشن ڈیجیٹل اکائونٹس ءِ ہوالگءَ دیوان ءِ سروکی کنانءَ کتگ، دیوان ءَ حزانگ ءِ وزیر شوکت فیاض ترین، مزن وزیر ءِ صلہ کار ایوب آفریدی، گورنر اسٹیٹ بینک ڈاکٹر رضا باقرء ُ ہمگرنچیں سینئر افسر ہوار بوتگ اَنت۔ ڈنی ملک نندوکیں پاکستانی مئے میراث اَنت ء ُ ما آیانی آسراتی ءِ ھاترءَ راج دپتری گامگیج چست کنگءَ اَنت۔ دیوان ءَ مزن وزیر ڈنی ملک ءَ نندوکیں پاکستانی آنی ھاترءَ کہ وتی زراں پاکستانی دیم دیئگ ءِ ھاترءَ روشن ڈیجیٹل اکاؤنٹس (آر ڈی اے) ءِ جوانیں سوبمندی ءِ سرءَ معلوم داری ءَ چہ سرپد کتگ۔ مزن وزیر ءَ را حال دیئگ بوتگ کہ تاں انوں 3 ارب ڈالر ءَچہ گیش زر آر ڈی اے (آر ڈی اے) ءِ وسیلگ ءَ دست گرگ بوتگ اَنت۔ مزن وزیر ءَ اسٹیٹ بینک آف پاکستان (SBP) ءَ را پنتء ُ شون کتگ کہ آ ڈنی ملک ءَ نندوکیں پاکستانی آناں آر ڈی اے ءِ وسیلگ ءَ وتی زر پاکستان ءَ دیم دیئگ ءِ ھاترءَ آن لائن رئیل ٹائم بنیاتاں آسراتی دنت۔ آئی ءَ ہمگرنچیں حکام ءَ را ڈنی ملک نندوکیں پاکستانی آناں آرڈی اے ءِ گیشاں چہ گیش کارمرز کنگءِ اھیلکاری دیئگءِ ھاترءَ اثر مندیں مارکیٹنگ مہم چلائنگ ءِہم پنتء ُشون کتگ۔
