اسلام آباد۔11فروری (اے پی پی): ملک مستر ڈاکٹر عارف علوی ءَ را نیوزی لینڈ، میکسیکو، گھانا اور یوگنڈاءِ سفیر آں وتی سند پیش کتگ اَنت۔ اے ہوالگ ءَ جمعہ ءِ روچءَ ایوان صدر ءَ یک مراگشے کنگ بوتگ۔ ایشی ءَپد نیوزی لینڈ ءِ ہائی کمشنر مائیکل ویہی میلیٹونگا والش، یوگنڈا ءِ ہائی کمشنر محمد تیزیکوبا کسمبیرا، میکسیکو ءِ سفیر گیلرمو الیجینڈرو پیوینٹےءُ ڈوریگا ء ُ گھانا ءِ سفیر ایرک اووسابوٹینگ ءَ ملک مسترءَ گوں جتاہ جتاہ گندء ُ نندکتگ۔ اے موہ ءَ گپ تران کتگء ُ ملک مستر ءَ گشتگ کہ پاکستان 220 ملین ءَ چہ گیش آباتی ء ُ بیپار ء ُ زرکاری ءِ ھاترءَ بے مٹیں موہ دیئوکیں ملک اِت۔ آئی ءَ نیوزی لینڈ، میکسیکو،گھانا ء ُ یوگنڈا ءِ گوما اقتصادی ء ُبیپاری سیادی ءَ را گیش کنگ ء ُ محکم کنگءِ ضلورت ءَ را پدر کتگ۔ آئی ءَ سفیر آں گوں اےہم گشتگ کہ آ وتی ملک ءِ بیپاراناں بیپار دوستیں ماحول ءَ چہ پائدگ چست کنگ ء ُ پاکستان ءَ زرکاری کنگءِ سوج داتگ۔ سفیر آناں آیانی تقرری ءِ مراد بات داتگ ء ُ صدرءَ اُمید ءِ درشانی کتگ کہ آ پاکستان ءِ گوما بازیں پڑآں دونیمگی سیادی ءَ را گیش کنگءِ ھاترءَ کوشست کنت۔ آئی ءَ گشتگ کہ پاکستان لائیوسٹاک ء ُڈیری ءِ پڑآں ہوار وتی کشتءُ کشاری پڑءِدیمروئی ءَ را باز ارزشت دنت ء ُ دونیمگی پائدگ ءِ ھاترءَ اُلسی رابطہ ءَ را گیش کنگءِ ضلورت ءِ سرءَ زور پِرداتگ۔ صدر ءَ سنگتیں ملک آنی گوما کمک ءِ انوگیں تک ءَ سدکی ءِ درشانی کتگ ء ُ نوک تعینات بوتگیں سفیرآنی گوما نیکیں واہشتانی درشانی کتگ۔
