اسلام آباد۔11فروری (اے پی پی): مزن وزیر عمران خان ءَ گوشت کہ گلگت بلتستان ءَ سیل ءُ سواد ءِ بے کساس موہ است انت، حکومت میاں اوستمانی سیلءُ سواد ءُ سردی ءِ لیب ءُ گوازی ءِ دیمروئی ءِ واستہ گامگیج کنگ ءَ انت۔ اے ھیالانی درشانی آءی ءَ سر وزیر گلگت بلتستان خالد خورشید ءَ گوں تران کنان ءَ کت۔ آئی ءَ آدینگ ءِ روچ ءَ آئی ءَ گوں گند ءُ نند کت۔ مزن وزیر ءَ گوشت کہ حکومتی گامگیج آنی بدولت ءَ گوستگیں سئے سال آنی تہ ءَ ھندی سیل ءُ سواد ءَ را دیمروئی رستگ۔ حکومت گلگت بلتستان ءَ سیل ءُ سواد ءَ را میاں اوستمانی کد ءُ بالاد ءَ را آسراتی پجاری کنگ ءِ واستہ گامگیج کنگ ءَ انت، گند ءُ نند ءَ وزیر ءِ ھزانگ شوکت فیاض ترین ءُ ھاسیں کمکار برائے سیل ءُ سواد اعظم جمیل ھم ساڑی ات۔ گند ءُ نند ءَ گلگت بلتستان ءَ سیل ءُ سواد ءِ دیمروئی ءِ واستہ منصوبگ ءُ گلگت بلتستان ویژن 2050 ءِ سر ءَ سرجمیں تران کنگ بوت۔
