اسلام آباد۔ 11 فروری (اے پی پی) وزیر مملکت پارلیمانی امور علی محمد خان پارینے کہ ساڑی حکومت نا دور اٹی اوغانستان تون واپار اٹی کمتی آخا ودکی مسنے، نواز شریف و زرداری نجی دورہ غاتیا سرکاری خزانہ ءِ خڑچ کرسا کریر،وزیراعظم عمران خان شاہ خڑچی تے پسند کپک۔ جمعہ نادے آ بڑزکو ایوان نا دیوان اٹی وفقہ سوج آتے ٹی سینیٹر مشتاق احمد و محسن عزیز نا سوج انا ورندی ٹی او پارے کہ اوغانستان اٹی امن کن پاکستان نا اہم ءُ کڑد اسے، وزیراعظم عمران خان اسہ ہم نجی دورہ اس سرکاری خڑچ آ کتنے وخت اس کہ نواز شریف و زرداری سرکاری خڑچ آ پیشن نا دورہ غاتے کرسا کرینو۔ اوپارے کہ اوغانستان اٹی امن کن مذاکرات اٹی پاکستان تینا کڑد ءِ ادا کرینے، اوغانستان نا باندات آ او آئی سی نا کانفرنس ننا خارجہ پالیسی نا سرسہبی نا بابت بھاز اہم ءِ، پاکستان اوغانستان اٹی امن کن کسر ءِ آوار کننگ اٹ مذاکرات ءِ مون آ دننگ اٹ پبی کمک کرینے۔
