اسلام آباد۔ 11 فروری (اے پی پی) بنجائی وزیر حوالکاری و شینکاری چوہدری فواد حسین پارینے کہ شریف خاہوت دلچسپ و عجیب فراڈ کرے، اوفتا برخلاف منی لانڈرنگ نا مقدمہ ٹی 18 فروری آ فرد جرم بیٹ مریک و باقاعدہ ٹرائل بناکیک، دامقدمہ ءِ براہ راست نشان تننگ نا موکل تننگے۔ جمعہ نادے آ تینا ٹویٹ اٹی بنجائی وزیر قوم ءِ مبارکبادی تس کہ اسہ بھلو جاست وپاست اسے آن پد بالآخر 18 فروری آ شہباز شریف، حمزہ شہباز و ایلو دوبہ دار آتا برخلاف منی لانڈرنگ کیس اٹ فرد جرم بیٹ مریک و باقاعدہ ٹرائل بناکیک۔ داجاست وپاست اٹی 14 ہزار بینکنگ ٹرانزیکشن ءِ کھنگالا کننگا، داوخت آ حیرت انگیز سرجم مون آبس۔ اوپارے کہ مقصود ، شہباز شریف نا مل اٹی چپراسی ئس، اونا تنخواہ 25 ہزار روپئی ئسک، اونا پن آ اکاؤنٹ ملنگا و 4 ارب روپئی اونا اکاؤنٹ آن مرسا شریف خاہوت نااکاؤنٹ آتیٹی سرمس۔ بنجائی وزیر حوالکاری پارے کہ داوڑنا درزن دلچسپ و عجیب فراڈ شہباز شریف نا دامقدمہ نا بشخ ءِ۔ اوخواست کرے کہ دامقدمہ ءِ براہ راست نشان تننگ نا موکل تننگے۔
