اسلام آباد۔ 11 فروری (اے پی پی) وزیر مملکت علی محمد خان پارینے کہ بلوچستان اٹی اپیکس کمیٹی نا کماشی ءِ وزیراعلیٰ کیک، صوبہ کن 2020-21اٹی ارب آ روپئی نا 75 و 2021-22اٹی 55 ڈٹ آتا منظوری ءِ تننگا۔ جمعہ نادے آ بڑزکو ایوان نا دیوان اٹی وقفہ سوج آتے ٹی سینیٹر محمد قاسم و عابدہ عظیم نا سوج آتا ورندی ٹی علی محمد خان پارے کہ گوادر سی پیک نا مرکز ءِ، ہموڑے 47ڈٹ آتیا 142 ارب روپئی خڑچ بریک، لسبیلہ ٹی چندی ڈٹ آتیا 35 ارب 76 کروڑ روپئی، کیچ/تربت اٹی 27 ڈٹ آتیا 84 ارب روپئی، آواران اٹی 11 ڈٹ آتیا 72 ارب روپئی آن زیات، پنجگور اٹی 14 ڈٹ آتیا 21 ارب 32 کروڑ روپئی خڑچ کننگک۔ خضدار اٹی چندی ڈٹ آتیا 107 ارب روپئی و چاغی ٹی 33 ارب 66 کروڑ روپئی نا ڈٹ آتے پورو کننگک۔
