اللہ تعالیٰ وزیراعظم عمران خان آن  جان جوڑی کارڈ انا دروشم اٹ ڈکھیائی انسانیت کن بھاز بھلو کاریم اس ہلکونے، وزیر مملکت حوالکاری و شینکاری فرخ حبیب

اسلام آباد۔ 11 فروری (اے پی پی) وزیر مملکت حوالکاری وشینکاری فرخ حبیب پارینے کہ اللہ تعالیٰ وزیراعظم عمران خان آن جان جوڑی کارڈ انا دروشم اٹ ڈکھیائی انسانیت کن بھاز بھلوکاریم اس ہلکونے، داسہ آن ناجوڑی نا درمان کرفنگ کن مخلوق ءِ بیوسی ٹی وام یا اُرا، جائیداد، زیوار سوداکروئی تمپک۔ جمعہ نادے آ تینا ٹویٹ اٹی وزیر مملکت فرخ حبیب پارے کہ تینا دوست آتے پیسہ مفننگ نا سوب آن ناجوڑی ٹی کس اس تڑپسا ہُپک، منت وار عمران خان۔