اسلام آباد۔10فروری (اے پی پی): مزن وزیر عمران خان ءَ کم ھساب ءُ داد ءَ چہ جوڑ بوھوکیں ہاونسگ منصوبگ آناں وھد ءُ پاس ءَ سرجم کنگ ءُ کار رپک ءَ را گہتر ءُ آسان جوڑ کنگ ءِ واستہ گامگیج ءِ پنت ءُ شون کنان ءَ گوشت کہ 1.4 ٹریلین کلدار مالیت 70,000 ءَ چہ گیش ہاوسنگ پروجیکٹس ءِ منظوری دیگ بوتگ ایشی ءَ چہ جوڑیشتی صنعت ءِ سر ءَ ھواریں رنگ ءَ 7.3 ٹریلین کلدار ءِ اثر کپ ایت ءُ 12 لکھ مزدگر پیداک بنت، اے پی ٹی آئی حکومت ءِ ٹوھیں کامیاتی انت کہ کلی 80,000 دزبندی آنی تہءَ 130 ارب کلدار ءِ 35,420 دزبندی آناں منظور کنگ بوتگ، انوگ ءَ تاں 13,407 دزبندی کنوک آناں ھواریں رنگ ءَ 46 ارب کلدار ءِ پجاری کنگ بوتگ۔ آ پنچ شمبے ءِ روچ ءَ اسلام آباد ءَ ہاوسنگ ، جوڑیشت ءُ دیمروئی ءِ ھوالگ ءَ این سی سی ءِ دیوان ءِ سروکی ءَ کنگ ءَ انت۔ مزن وزیر ءَ گوشت کہ ھمک ھپتگ 7 ارب کلدار ءِ دزبندی رسگ ءَ انت ایشانی تہ ءَ 4 ارب کلدار ءِ منظور ءُ 2 ارب کلدار ھمک بھر ءُ بانگ کنگ بوھگ ءَ انت ایشی ءَ چہ سہرا بیت کہ سہرا کتگیں نظام جوانیں رپک ءَ گوں کار کنگ ءَ انت۔ پی ٹی آئی ءِ حکومت ءَ کم ءُ نیامی درجگ ءِ آمدنی والا ایں تبک ءَ را کم نیاد ءَ گس ءِ پجاری ءِ ھوالگ ءَ یک ٹوھیں گام ءِ سہرا بیت۔ مزن وزیر ءَ گوشت کہ حکومت ءَ گڈی سئے سال آنی تہ ءَ ہاوسنگ فنانس ءَ 148 درسد گیشی ءُ دسمبر 2022 ءَ تاں 517 ارب کلدار ءِ امیت بوتگیں منظوری حکومت ءِ نیمگ ءَ کم نیادی ہاوسنگ فنانس ءَ 148 درسد گیشی ءُ دسمبر 2022 ءَ تاں 517 ارب کلدار ءِ منظوری حکومت ءِ نیمگ ءَ چہ کم ھر چ ءُ درچی ہاوسنگ ءُ جوڑیشتی پڑ ءَ را آسراتی پجاری کنگ ءِ واستہ کتگیں گامگیج آنی درشان ءَ کنت۔ دیوان ءَ را گوشت بوت کہ 2018 ءَ چہ پد انوگ ءَ تاں کم ھرچ ءُ درچی گس آنی جوڑیشت ءِ ھوالگ ءَ ھساب ءُ داد آنی بابت ءَ سرپد کنگ بوت۔ دیوان ءَ را گوشگ بوت کہ ھواریں رنگ ءَ 161,924 سستائیں گس آنی منظوری دیگ بوتگ۔ ایشانی تہ ءَ 45,191 یونٹس جوڑ بوھگ ءَ انت۔ ءُ 20,898 یونٹس سرجم بوتگ انت۔ ایشانی تہ ءَ فراش ٹائو ن میں 4000 یونٹس، ایل ڈی اے سٹی ءَ 4000 یونٹس، جلوزئی ءَ 1320 یونٹس، رائے ونڈ ءَ 245 یونٹس، سرگودھا ءُ چنیوٹ ءَ 324 یونٹس ءُ انگوری روڈ ءَ 1800 یونٹس آنی سر ءَ کار جاڑی انت۔ ایش 2022 ءِ گڈ ءَ چہ پیسر سرجم بنت۔ دیوان ءَ را گوشگ بوت کہ فکسڈ ٹیکس ریجیم ءِ چیر دستی ءَ ایف بی آر پورٹل ءِ سر ءَ 627 ارب روپے ءِ کلی 2507 منصوبے رجسٹر کنگ بوتگ ایشانی تہ ءَ معیشت ءِ سر ءَ 3.135 ٹریلین کلدار ءِ اثر کپ ایت۔ دیوان ءَ بنجاھی وزیر شوکت فیاض ترین، فواد چوہدری، وزیر ءِ مملکت فرخ حبیب، مزن وزیر ءِ ھاسیں کمکار ڈاکٹر شہباز گل ، گورنر سٹیٹ بنک، چیئرمین این اے پی ایچ ڈی اے لیفٹیننٹ جنرل انور علی حیدر (ریٹائرڈ)، چیف ایگزیکٹو آفیسر آر یو ڈی اے عمران امین ءُ پنجاب ءُ بلوچستان ءِ چیف سیکرٹریز آں ابید ایندگر ٹوھیں ٹوھیں کارندہ ھم شرکت کت۔
