اسلام آباد۔10فروری (اے پی پی): صدر ءِ مملکت ڈاکٹر عارف علوی ءَگوشت کہ وانگ ءُ زانگی ادارگ آن لائن وانگ ءُ زانگ ءِ دیمروئی ءِ واستہ آئی ٹی انفراسٹرکچر ءِ سر ءَ سرمایہ کاری بکن انت، مزن وانگ ءُ زانگی تکنیکی ادارگ آناں بنی آدمی آسراتی آنی نیمگ ءَ دلگوشی دیگ لوٹ ایت۔ ملکی وانگ ءُ زانگی ءُ بلد کاری آسراتی ءِ ضلورت آناں پیلو کنگ ءِ واستہ کمیونٹی کالجز ءِ ضلورت انت۔ پنچ شمبے ءِ روچ ءَ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر مملکت ءَ اے ھیالانی درشانی آئی ءَ نیشنل یونیورسٹی آف ماڈرن لینگویجز (نمل) اسلام آباد ءِ بابت ءَ بریفنگ ءِ ساھت ءَ کت۔ آئی ءَ گوشت کہ پاکستان ءَ بلدکاریں مردم آنی کمی ءِ گوما دیم پہ دیمی انت۔ دگنیا آن لائن وانگ ءُ زانگ ءِ نیمگ ءَ جنزگ ءَ انت، وانگ ءُ زانگ ءِ کساس ءَ را کم کنگ ءِ واستہ آن لائن وانگ ءُ زانگی کساس ءُ ورچوئل کلاسز آنی کساس ءَ را ودینگ لوٹ ایت۔ آئی ءَ گوشت کہ اے وھد ءَ 22 ہزار نودربر یونیورسٹی آنی جتا جتائیں شوبگ آنی تہ ءَ وانگ ءَ انت۔ ریکٹر نمل ءَ آئی ٹی ءِ بنیاتی کوکا ءِ دیمروئی ، آئی ٹی ءَ را لینگویج سیکھارینگ ءُ ترجمہ ءِ مھکم کنگ ءَ ھوار پٹ ءُ پول ءِ دیمروئی ءِ واستہ کتگیں گامگیج آنی سر ءَ چمشانک دات۔
