اسلام آباد۔ 10 فروری (اے پی پی) وزیراعظم عمران خان اینو( پنچ شنبے )نادے آ اسلام آباد اٹی اڈ ہلوک آ دود اٹی گچین کارکڑد نشان تروک آ 10 بنجائی وزارت آتیٹی سفتی سند بشخک۔ وزیراعظم نا گڈ گورننس نا وژن نا رداٹ وزیراعظم آفس و بنجائی وزارت آتا نیام اٹ پرفارمنس معاہدہ غا دستخط کننگاسس ہرانا رداٹ غٹ وزارت آک ہدف مقرر کریسر۔ پرفارمنس ایگریمنٹس نا سوب آن کارکڑد اٹی گچینی، ہدف آتا وخت آ پوروی، السی ویل آتا ایسری، گچین پالیسی سازی و گڈ گورننس کن درکار ڈیٹا مرتب کننگ اٹ کمک رسینگک۔ دامعاہدہ غاتا بنداوی مسخت وزارت آتا کارکڑد ءِ ہُننگ، سرکاری آفیسر آتیکن سزا و جزا نا کانود آ عملدرآمد و خذمت آتا فراوانی ٹی گچینی اتنگ ءِ۔ وزیراعظم دود آن تران ہم کیک۔
